उपमुख्यमंत्री एकनाथ शिंदे पालकमंत्री असलेल्या ठाणे आणि मुंबई शहर या दोन जिल्ह्यांत भाजपने अनुक्रमे शिंदे यांचे राजकीय प्रतिस्पर्धी असलेले वनमंत्री गणेश नाईक यांची, तर कौशल्य विकासमंत्री मंगलप्रभात लोढा यांची नेमणूक केली आहे. उपमुख्यमंत्री अजित पवार पालकमंत्री असलेल्या पुणे आणि बीड जिल्ह्यात अनुक्रमे चंद्रकांत पाटील, पंकजा मुंडे हे भाजपचे जिल्हा संपर्कमंत्री असतील.
हत्तीवरुन काढलेली मिरवणूक महागात; भोरचे आमदार शंकर मांडेकर यांचे कार्यकर्ते अडचणीत, वन विभागाकडून गुन्हा
रायगड जिल्ह्याच्या पालकमंत्रिपदावरून राष्ट्रवादी काँग्रेस आणि शिवसेनेत रस्सीखेच असताना भाजपने संपर्कमंत्री म्हणून या जिल्ह्याची जबाबदारी सांस्कृतिक कार्यमंत्री आशीष शेलार यांच्यावर सोपवली आहे. तर, नाशिक जिल्हा पालकमंत्रिपदाला स्थगिती मिळाल्याने सध्या या पदापासून वंचित असलेल्या गिरीश महाजन यांच्याकडे संपर्कमंत्री म्हणून जळगाव जिल्ह्याची धुरा देण्यात आली आहे. उद्योगमंत्री उदय सामंत पालकमंत्री असलेल्या रत्नागिरी जिल्ह्यात भाजपने जिल्हा संपर्कमंत्री म्हणून नितेश राणे यांची, तर नंदुरबार जिल्ह्यात जयकुमार रावल यांची नियुक्ती केली आहे.

भाजपचे जिल्हानिहाय इतर संपर्कमंत्री पुढीलप्रमाणे…
गोंदिया : पंकज भोयर, बुलढाणा : आकाश फुंडकर, यवतमाळ : अशोक उईके, वाशिम : राधाकृष्ण विखे पाटील, छत्रपती संभाजीनगर : अतुल सावे, धाराशिव : जयकुमार गोरे, हिंगोली : मेघना बोर्डीकर, सातारा : शिवेंद्रराजे भोसले, कोल्हापूर : माधुरी मिसाळ.
पालकांच्या खिशाला बसणार फटका! १ एप्रिलपासून शालेय बसच्या भाडेदरात थेट १८ टक्क्यांनी वाढ
समांतर सत्ताकेंद्राची चर्चा
शिवसेना तसेच आणि राष्ट्रवादी काँग्रेसचे पालकमंत्री असलेल्या जिल्ह्यांत संपर्कमंत्री नेमून भाजपने पक्षीय पातळीवर समांतर सत्ताकेंद्र तयार केल्याची चर्चा आहे. भाजपचे प्रदेशाध्यक्ष चंद्रशेखर बावनकुळे यांच्या स्वाक्षरीने या नियुक्त्या घोषित करण्यात आल्या आहेत. त्यामुळे नजीकच्या काळात शिंदे आणि अजित पवार यांच्याकडूनही जिल्हा संपर्कमंत्री नेमले जाण्याची शक्यता आहे.