मुख्यमंत्री धर्मादाय देणगी निधीतून मुकुंदनगर येथे महाराष्ट्रीय मंडळाच्या आवारात ‘थिएटर अॅकॅडमी’त कलाकारांसाठी बांधण्यात येणाऱ्या इमारतीचे भूमिपूजन एकनाथ शिंदे यांच्या हस्ते करण्यात आले. या प्रसंगी महाराष्ट्र नवनिर्माण सेनेचे अध्यक्ष राज ठाकरे, रोजगार हमी योजना मंत्री भरत गोगावले, खासदार श्रीरंग बारणे, आमदार विजय शिवतारे, सिद्धार्थ शिरोळे, थिएटर ॲकॅडमीचे अध्यक्ष प्रसाद पुरंदरे आणि महाराष्ट्रीय मंडळाचे पदाधिकारी उपस्थित होते.
दुर्दैवी! शनीदेवाच्या दर्शनाला निघाले, पण काळाने वाट अडवली; अपघातात दाम्पत्याचा जागीच मृत्यू
शिवसेनेच्या ऑपरेशन टायगर मोहिमेंतर्गत विरोधी पक्षांचे खासदार, आमदार शिवसेनेत येणार असल्याच्या चर्चा राजकीय वर्तुळात सुरू आहेत. त्या पार्श्वभूमीवर विचारलेल्या प्रश्नांवर बोलताना शिंदे यांनी पुण्यात शिवसेना मजबूत होत असल्याचे सूचक उत्तर दिले.
आईची वेडी माया! लेकीवर करणी; पुण्यात ६२ वर्षीय महिलेने फेसबुक मित्राला दिले २९ लाख, पण घडलं भलतंच
राज ठाकरेंशी राजकीय चर्चा नाही
उपमुख्यमंत्री शिंदे आणि राज ठाकरे यांनी ‘थिएटर अकॅडमी’ च्या सकल ललित कलाघराची पाहणी केली. या वेळी त्यांच्यामध्ये झालेल्या चर्चेबाबत विचारणा केली असता, कोणतीही राजकीय चर्चा झाली नाही, असे शिंदे यांनी सांगितले. ‘महाराष्ट्रीय मंडळ ही जुनी संस्था असून, येथे थिएटर अकॅडमीतर्फे उभारण्यात येणाऱ्या नवीन इमारतीसाठी मुख्यमंत्री धर्मादाय निधीतून तीन कोटी रुपये उपलब्ध करून दिले होते. त्याच्या भूमिपूजनाच्या निमित्ताने आम्ही एकत्र आलो असून, या संस्थांच्या पाठीमागे आम्ही दोघे उभे आहोत,’ असेही त्यांनी सांगितले.