राज्यात नोव्हेंबर २०२४ मध्ये विधानसभा निवडणूक पार पडली. राज्यातील जनतेने महायुतीला कौल देत सत्तेवर बसविले. विरोधकांनी ‘ईव्हीएम’च्या कार्यपद्धतीवर शंका उपस्थित केली. राज्यभर ठिकठिकाणी ‘ईव्हीएम’विरोधात मोर्चे व आंदोलनेही झाली. नाशिकमध्येही ‘ईव्हीएम’ची प्रतीकात्मक अंत्ययात्रा काढण्यात आली होती. दरम्यान, येवल्यात राष्ट्रवादी अजित पवार गटाचे ज्येष्ठ नेते छगन भुजबळ विजयी झाले. त्यांच्या विजयावर आक्षेप घेत येवल्यातील राष्ट्रवादी काँग्रेस शरद पवार गटाचे उमेदवार अ‍ॅड. माणिकराव शिंदे यांनी फेरमतमोजणीसाठी अर्ज करीत जिल्हा निवडणूक विभागाकडे रीतसर शुल्कदेखील भरले.
धनंजय मुंडे प्रकरणात हस्तक्षेपास नकार; अजित पवारांची भूमिकाच अधिकृत, मुख्यमंत्री फडणवीसांची स्पष्टोक्ती
याशिवाय कळवण-सुरगाणा मतदारसंघातील ‘माकप’चे उमेदवार जे. पी. गावित यांच्यासह मालेगाव बाह्य मतदारसंघातील अपक्ष उमेदवार बंडूकाका बच्छाव व मालेगाव मध्यचे शेख आसिफ शेख रशीद यांच्यासह निफाड मतदारसंघातून एका मतदाराने न्यायालयात निवडणूक निकालाला आव्हान दिलेले आहे.
Raj Thackeray:…तर अशा निवडणुका न लढवलेल्याच बऱ्या; विधानसभा निवडणुकीबाबत राज ठाकरे स्पष्टच बोलले
विधानसभा निकालासंदर्भातील विविध याचिकांवरील सुनावणीची प्रतीक्षा असतानाच अ‍ॅड. शिंदे यांच्या येवला मतदारसंघातील एका मतदान केंद्रावरील ‘ईव्हीएम’वर मतदान पडताळणीसाठी ‘मॉकपोल’ घेण्यात येणार आहे. दि. २४ फेब्रुवारीला होणाऱ्या या मॉकपोलवेळी येवला मतदारसंघातील सर्व उमेदवारांना बोलावले जाणार आहे. येवल्यातील ‘ईव्हीएम’ सय्यद पिंप्री येथील गोदामात ‘सील’ असून, तेथेच सकाळी आठला हा ‘मॉकपोल’ होणार आहे.
दुर्दैवी! शनीदेवाच्या दर्शनाला निघाले, पण काळाने वाट अडवली; अपघातात दाम्पत्याचा जागीच मृत्यू
… येथे होणार ‘मॉकपोल’ विधानसभा निकालासंदर्भातील विविध याचिकांवरील सुनावणीची प्रतीक्षा असतानाच अॅड. शिंदे यांच्या येवला मतदारसंघातील एका मतदान केंद्रावरील ‘ईव्हीएम’ वर मतदान पडताळणीसाठी ‘मॉकपोल’ घेण्यात येणार आहे. दि. २४ फेब्रुवारीला होणाऱ्या या मॉकपोलवेळी येवला मतदारसंघातील सर्व उमेदवारांना बोलावले जाणार आहे. येवल्यातील ‘ईव्हीएम’ सय्यद पिंप्री येथील गोदामात ‘सील’ असून, तेथेच सकाळी आठला हा ‘मॉकपोल’ होणार आहे.