गृहमंत्री स्नान करून गेले त्यावेळी तिथला लवाजमा पाहिला, संरक्षण मंत्री गेले तेव्हा घाट किंवा परिसर बंद केला जातो हा त्याचाही परिणाम आहे. कारण बाहेर तेवढे लोक असतात, याचा सगळ्याचा परिणामा पाहिला तर मी इतकंच सांगेल. उत्तर प्रदेशचे मुख्यमंत्री किंवा इतर मंत्री असतील त्यांनी पक्षाच्या आणि मताच्या मार्केटिंगकडे लक्ष देण्यापेक्षा भक्तांच्या व्यवस्था आणि सुरक्षेकडे लक्ष देण गरजेचं आहे. प्रधानमंत्री लक्ष देऊन आहेत म्हणजे काय? आज दहा पेक्षा जास्त श्रद्धाळू यांचे प्राण गेले त्यानंतर तातडीच्या बैठका सुरू झाल्या प्रधानमंत्री लक्षात ठेवून आहेत म्हणजे काय आहेत गृहमंत्री लक्ष ठेवून आहेत म्हणजे काय आहेत ज्यांनी प्राण गमावले ते येणार आहेत का? असा सवाल संजय राऊत यांनी केला.

1954 साली कुंभ झाला त्याची व्यवस्था पहा स्वतः देशाचे प्रधानमंत्री पंडित नेहरू यांनी व्यवस्था कशी आहे पाहण्यासाठी तो दौरा केला. तेव्हाचे मुख्यमंत्री गोविंद वल्लभ पंत हे पूर्ण काळ तिथे उपस्थित होते अशी माझी माहिती आहे. अखिलेश यादव यांच्या काळातील कुंभमेळ्याची व्यवस्था सर्वात उत्तम होती हे श्रद्धाळू आवर्जून सांगतात. या व्यवस्थापनामध्ये इतर पक्षाच्या लोकांना देखील सहभागी करून घेतलं असतं तर अशी परिस्थिती उद्भवलेली नसते पण श्रेयवाद आहे या श्रेय वादातून लोकांना प्राण गमवावे लागले. दहा हजार कोटींपेक्षा जास्त बजेट यासाठी दिलं गेलं पण प्रत्यक्षात दहा हजार कोटी दिसत नसल्याचं संजय राऊतांनी म्हटलं आहे.