महापालिकेने तीन बांधकाम प्रकल्पांवर थेट काम बंद करण्याची कारवाई केली आहे आणि जवळपास २२१ बांधकाम व्यावसायिकांना नोटिसा दिल्या आहेत. त्यांच्यावर दंडात्मक कारवाई करून ३१ लाख रुपयांचा दंड वसूल करण्यात आला आहे. महापालिकेने नागरिकांना चांगले जीवनमान देण्याच्या हेतूने शाश्वत आणि पर्यावरणपूरक बांधकाम पद्धती स्वीकारली आहे. याकरिता महापालिकेने नवीन मार्गदर्शक तत्त्वे जारी केली आहेत. त्यानुसार औद्योगिक आणि बांधकाम प्रदूषणावर पाळत ठेवणारी एजन्सी नेमण्यात आली. यात ३२ क्षेत्रीय कर्मचाऱ्यांसह आठ वॉडांमध्ये, उल्लंघनाच्या निरीक्षणासाठी कर्मचारी तैनात करण्यात आले आहेत. त्यानुसार शहरातील हवा, ध्वनी आणि जलप्रदूषण करून पर्यावरण नियमांचे उल्लंघन करणाऱ्यांवर कडक कारवाईचा आदेश आयुक्त शेखर सिंह यांनी दिले होते. यासह रात्री १० ते सकाळी सात या वेळेत कोणतेही बांधकाम करू नये, असाही आदेश त्यांनी दिला आहे.
अरे हे काय? बुलढाण्यात गरोदर महिलेच्या सोनोग्राफी रिपोर्टने डॉक्टरही चकित, गर्भाच्या पोटात दिसलं भलतंच
प्रशासनाच्या आदेशाकडे काणाडोळा करून शहरात बांधकाम व्यावसायिकांकडून हवा प्रदूषण केले जाते. प्रदूषण रोखण्याकरिता सांगितलेल्या उपाययोजनाही केल्या जात नाहीत. ज्या ठिकाणी नियमांचे उल्लंघन सुरू आहे, त्या संबंधित २२१ बांधकाम व्यावसायिकांना नोटिसा बजावण्यात आल्या आहेत. आतापर्यंत एकूण ३१ लाख ४८ हजार १५७ रुपये दंड वसूल करण्यात आला आहे.
राज्यात घरे-मालमत्ता महागणार! स्वप्नाच्या घरासाठी आता मोजावी लागतील जास्त पैसे, कारण…
बांधकाम प्रकल्पाचे काम करीत असताना प्रदूषण होणार नाही, याची खबरदारी बांधकाम व्यावसायिकांनी घ्यावी, असा आदेश दिला आहे. त्याचे पालन न केल्यास कारवाई केली जात आहे. सद्यस्थितीत प्रदूषणास कारण ठरलेल्या बांधकाम प्रकल्पांसाठी दंड वसूल करण्यात आला. यापुढे रात्री बांधकाम करणाऱ्यांवर व आदेशाचे पालन न करणाऱ्यांवर कोणती कारवाई करायची, हे निश्चित केले जाणार आहे. – मकरंद निकम, शहर अभियंता, पिंपरी-चिंचवड महापालिका