धनंजय मुंडे यांचा राजीनामा घ्या, ही मागणी करण्यासाठी मी अजित पवारांना भेटण्याची वेळ मागितली आहे. अजित पवार आणि माझा ३६ चा आकडा आहे, त्यांच्या भ्रष्टाचाराविरुद्ध मी सातत्याने लढत आहे आणि मरेपर्यंत लढत राहीन, पण बीड चे जे कृत्य केले गेले ते माणुसकीला काळिमा फासणारे आहे. अशा हैवाण लोकांना थरा देणाऱ्या आणि मोठं करणाऱ्या मंत्र्याचा (धनंजय मुंडेंचा) ताबडतोब राजीनामा घ्यायला हवा होता. पण अजित पवारांना पुरावे हवे आहेत ना? मग वाल्मिक कराड आणि धनंजय मुंडे कसे एकत्र आहेत, कसे व्यवहार एकत्र आहेत, धनंजय मुंडे आणि राजश्री मुंडे हे Mahagenco (Maharashtra State Power Generation Company) शी कसे व्यवहार करत आहेत हे पुरावे दाखवण्यासाठी वेळ मागितली आहे. हे Office of Profit आहे आणि मंत्रिपद काय आमदारकी रद्द झाली पाहिजे, असं अंजली दमानिया यांनी म्हटलं आहे.

दरम्यान, अंजली दमानिया यांनी रविवारी संतोष देशमुख यांच्या पोस्ट मार्टम रिपोर्टबाबतही संशय व्यक्त केला होता. थोरात यांची बीडहून नाशिकला बदली केली आणि आता मोठ्या आशिर्वादाने पुन्हा बीडमधे आगमन झाल्याचं दमानिया म्हटलं होतं. या प्रकरणामधील सुदर्शन घुले याला आणखीन ४ दिवसांची पोलीस कोठडी सुनावली आहे.