पुण्यात आज संजय राऊत यांनी ठाकरे गटाच्या पदाधिकाऱ्यांसोबत बैठक घेतली. लवकरच पुणे शिवसेनेत संघटनात्मक बदल होणार असल्याचे राऊतांनी सांगितले. याआधी पाच माजी नगरसेवकांनी पक्ष सोडल्यानंतर उद्धव ठाकरे अॅक्टिव्ह झाल्याचे पाहायला मिळाले आहे. मात्र पक्ष संघटना बळकट करण्यासाठी काही बदल करण्यात येणार आहेत.

पाच माजी नगरसेवकांनी ठाकरे गट सोडला

हिंदुत्वाचा नारा देत पुण्यातील शिवसेनेचे (उद्धव बाळासाहेब ठाकरे) विशाल धनवडे, बाळा ओसवाल, प्राची आल्हाट, पल्लवी जावळे आणि संगीता ठोसर या पाच माजी नगरसेवकांनी मुंबईत भारतीय जनता पक्षात प्रवेश केला होता. जानेवारी महिन्याच्या सुरुवातीला भाजपच्या मुंबई प्रदेश कार्यालयात शिवसेनेच्या या पाच माजी नगरसेवकांच्या पक्षप्रवेशाचा कार्यक्रम पार पडला होता.

पुण्याचे खासदार आणि केंद्रीय राज्यमंत्री मुरलीधर मोहोळ यांच्या पुढाकारातून शिवसेनेला खिंडार पाडण्यात आल्याचे बोलले जात होते. मोहोळ यांनी मुख्यमंत्री देवेंद्र फडणवीस यांची भेट घेत या नगरसेवकांचा पक्षप्रवेशाचा मार्ग मोकळा केला होता.
Ajit Pawar : साहेब बरं वाटतंय का? अजित दादांचा काकांना फोन, शरद पवारांच्या तब्येतीची विचारपूस, मात्र…

खरी शिवसेना कोणाची?

प्रवेशानंतर पत्रकार परिषदेत खरी शिवसेना कोणती, असा प्रश्न विशाल धनवडे यांना विचारण्यात आला होता. यावेळी धनवडे यांनी ‘उद्ध‌व ठाकरे यांची’ अशा दिलेल्या उत्तरामुळे उपमुख्यमंत्री एकनाथ शिंदे यांच्या शिवसेनेतील पदाधिकारी आक्रमक झाले होते.
Omraje Nimbalkar : ओमराजे सोडणार उद्धव ठाकरेंची साथ? आमदार कैलास पाटील म्हणतात, सकारात्मक गोष्टींसाठी…
‘खरी शिवसेना कोणती याबाबत पत्रकार परिषदेत प्रश्न विचारल्यानंतर अनवधानाने उद्धव ठाकरेंचं नाव सांगितलं होतं. याबद्दल कोणाच्या भावना दुखावल्या असतील, तर दिलगिरी व्यक्त करतो. महायुतीतील सर्वच पक्ष एकदिलाने काम करत असून, उपमुख्यमंत्री एकनाथ शिंदे आणि शिवसेनेबद्दल आमच्या सर्वांच्या मनात नितांत प्रेम, आदर आणि विश्वास आहे.’ असं धनावडे म्हणाले होते.