Mumbai News : मुंबईतील कांदिवली येथील एका शाळेस बॉम्ब ठेवल्याचा ईमेल आल्याने मोठी खळबळ उडाली आहे. पोलिसांचे बॉम्ब शोधक पथक शाळेत दाखल झाले असून विद्यार्थ्यांना घरी पाठवण्यात आले आहे. पुढील शोध हा पोलिसांकडून घेतला जात आहे.
बॉम्ब ठेवल्याचा शाळेला ईमेल
शाळा प्रशासनाने पोलिसांना बॉम्ब ठेवल्याचा ईमेल आल्याची माहिती दिल्यानंतर पोलिसांचे बॉम्बशोधक पथक शाळेत दाखल झाले. विद्यार्थ्यांना आणि शिक्षकांना घरी पाठवण्यात आले. बॉम्बशोधक पथक तपास करत आहे. पोलिसांचे पथकही शाळेत दाखल झाले आहे. दिल्लीमध्येही एकाच वेळी अनेक शाळांना बॉम्बने उडवण्याचा धमकीचा ईमेल आला होता. यानंतर शाळा प्रशासनाने विद्यार्थ्यांना घरी पाठवून दिले.
‘बुड्ढे तेरे को ड्युटी करना आता है क्या?’; 2 तासात सस्पेंडची धमकी देणाऱ्याची मुजोरी पोलिसांनी जिरवली
बॉम्ब शोधक पथक आणि पोलिस शाळेत दाखल
पोलिस देखील शाळांच्या बाहेर पोहोचले होते. आता थेट मुंबईतील शाळेला बॉम्बने उडवण्याचा धमकीचा मेल पाठवण्यात आला आहे. दोन दिवसांपूर्वीच मुंबईतीलच जोगेश्वरी येथील एका शाळेला बॉम्बने उडवण्याचा धमकीचा मेल पाठवण्यात आल्याचे सांगितले गेले होते. जोगेश्वरी येथील शाळेला बॉम्बने उडवण्याचा धमकीचा मेल आला ही अफवाच असल्याचे नंतर स्पष्ट झाले. बॉलिवूड अभिनेता सलमान खान याला जीवे मारण्याच्या धमकीचा ईमेल पाठवण्यात आला होता.
ईमेल येताच विद्यार्थ्यांना पाठवले घरी
पोलिस नियंत्रण कक्षाला फोन करूनही सलमान खानला जीवे मारण्याची धमकी देण्यात आली होती. विमान कंपन्यांनाही धमकीचे ईमेल काही दिवसांमध्ये सातत्याने येत होते. धमकींच्या ईमेलमुळे विमान कंपन्यांना मोठे नुकसान सहन करावे लागले होते. आता शाळांना देखील धमकीचे ईमेल येताना दिसत आहेत. शाळांना बॉम्बने उडवण्याची धमकी मिळाल्याने पालकांमध्ये घबराटीचे वातावरण बघायला मिळत आहे. आता धमकीच्या प्रकरणी पुढील तपास केला जात आहे.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा