Nagpur Bribe Case: ३५ हजारांची लाच घेणाऱ्या प्रभारी उपशिक्षणाधिकारी व वरिष्ठ लिपिकाला लाचलुचपत प्रतिबंधक विभागाने चांगलाचा धडा शिकवला. एसीबीच्या पथकाने शनिवारी लाच घेताना दोघांना अटक केली.
प्राप्त माहितीनुसार, दर्जा वाढविण्याच्या प्रस्ताव त्रुटीविना अध्यक्ष तथा शिक्षण उपसंचालकांच्या कार्यालयात सादर करण्यासाठी बनसोड यांनी संस्थाचालकाला २० हजार रुपयांची मागणी केली. १८ जानेवारीला पहिला हप्ता म्हणून बनसोड यांनी पाच हजार रुपये घेतले. हा प्रस्ताव अध्यक्ष तथा शिक्षण उपसंचालक कार्यालयाकडे त्रुटी न काढता पाठविला. यासाठी १५ हजार रुपये बक्षीस मागितले. संस्थाचालकाचा प्रस्ताव शासनाकडे पाठविण्यासाठी नेवारेंनी संस्थाचालकाला २० हजार रुपयांच्या लाचेची मागणी केली. 
अमित शहांनी भुजबळांना दिली शिंदेंची खुर्ची, सहकार परिषदेतील गुफ्तगूमुळे चर्चांना उधाण, कानात काय सांगितलं?
संस्थाचालकाने एसीबीचे अधीक्षक डॉ. दिगंबर प्रधान यांच्याकडे तक्रार केली. प्रधान, अपर अधीक्षक संजय पुरंदरे, सचिन कदम यांच्या मार्गदर्शनाखाली उपअधीक्षक अनिल जिट्टावार, निरीक्षक प्रवीण लाकडे, सचिन मत्ते, त्यांचे सहकारी सारंग बालपांडे, अस्मिता मेश्राम, गीता चौधरी, होमेश्वर वाईकर, राजू जांभूळकर यांनी शनिवारी सिव्हिल लाइन्समधील जिल्हा परिषद परिसरात सापळा रचला. ३५ हजार रुपयांची लाच स्वीकारताच एसीबीच्या पथकाने दोघांना अटक केली. त्यांच्याविरुद्ध सदर पोलिस ठाण्यात लाचलुचपत प्रतिबंधक कायद्यान्वये गुन्हा दाखल केला.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा