स्फोट नेमका कसा झाला ते माहीत नाही, असं स्फोटातून थोडक्यात बचावलेल्या संजय राऊत यांनी सांगितलं. ‘आम्ही सगळे कचरा गोळा करुन तो लायनरमध्ये टाकत होतो. त्यावेळी अचानक मोठा आवाज झाला. स्फोट नेमका कधी झाला ते आम्हाला कळलंच नाही. स्फोटामुळे भिंत कोसळली. आम्ही त्या भिंतीखाली अडकलो. दबलो गेल्यानं आम्ही बेशुद्ध पडलो. शुद्ध आली तेव्हा आम्ही तिघे ढिगाऱ्याखाली होतो. मला नंतर वाचवण्यात आलं,’ असा घटनाक्रम संजय राऊतांनी सांगितला.
Jalgaon Train Accident: …तोपर्यंत पार्थिव घेऊन जाणार नाही! आई गमावणारा लेक इरेला पेटला; डोळ्यांत अश्रू दाटले
दारुगोळा निर्मिती कारखान्यात झालेल्या स्फोटात ८ जणांचा मृत्यू झाला. १३ जणांना घटनास्थळावरुन वाचवण्यात यश आलं. ५ जणांवर सध्या उपचार सुरु आहेक, अशी माहिती एका अधिकाऱ्यानं दिली. ‘काल सकाळी ११ वाजता दारुगाळा निर्मिती करणाऱ्या कारखान्यात स्फोट झाला. अधिकारी लगेचच घटनास्थळी पोहोचले. शोध आणि बचाव कार्य ८ तासांमध्ये पूर्ण करण्यात आलं. कमी तापमान असलेलं प्लास्टिक स्फोटक तयार करणाऱ्या कारखान्यात स्फोट झाला होता,’ अशी माहिती नागपूर विभागाचे महानिरीक्षक दिलीप पाटील भुजबळ यांनी दिली.
Jalgaon Train Accident: आजोबांच्या अंत्यविधीसाठी आई गावी गेलेली, मीच तिला गाडीत बसवलेलं, हा बघा फोटो; लेकाचा हंबरडा
‘युनिटमध्ये १३ जण काम करत होते. स्फोटात ८ जणांचा मृत्यू झाला आणि ५ जण जखमी झाले. जखमींपैकी दोघांना नागपुरात आणि तिघांना भंडाऱ्यात उपचारांसाठी दाखल करण्यात आलं आहे. ढिगाऱ्याखाली ५ टन आरडीएक्स होतं. त सुरक्षितपणे हटवण्याची प्रक्रिया दुसऱ्या टप्प्यात सुरु होईल. अशा घटना पुन्हा होऊ नयेत म्हणून एक एसओपी तयार करण्यात येईल,’ असं भुजबळ यांनी सांगितलं.

स्फोटात मृत्यूमुखी पडलेल्यांच्या कुटुंबियांना ५ लाख रुपयांची आर्थिक मदत जाहीर करण्यात आली आहे. मुख्यमंत्री कार्यालयानं एक्स पोस्टवरुन याबद्दलची माहिती दिली. या दुर्घटनेबद्दल मुख्यमंत्री फडणवीस यांनी दु:ख व्यक्त केलं.