लोकसभेपाठोपाठ विधानसभा निवडणुकीत कोकणात ठाकरेसेनेला जोरदार धक्का बसला. कोकणचा बालेकिल्ला ठाकरेंच्या हातून निसटला आहे. यंदा विधानसभेला कोकणात ठाकरेंना जेमतेम भोपळा फोडता आला आहे. रत्नागिरीची जागा ठाकरेंच्या पक्षानं राखली. भास्कर जाधव आपली आमदारकी राखण्यात यशस्वी ठरली. आता राजीनामा देणारे सचिन कदम आणि भास्कर जाधव यांच्यात उघड संघर्ष पाहायला मिळत होता.
मंत्रालयासमोर तरुणाचं झाडावर चढून आंदोलन, पोलिसांची तारांबळ; ओरडून ओरडून मागणी सांगितली
रत्नागिरीचे माजी जिल्हाप्रमुख सचिन कदम यांनी आपण वैयक्तिक कारणामुळे पक्ष सोडत असल्याचं सांगितलं आहे. मी सध्या कुठेही जाणार नाही, अशी माहिती त्यांच्याकडून देण्यात आलेली आहे. ते एकनाथ शिंदे यांच्या शिवसेनेत प्रवेश करण्याची दाट शक्यता आहे. सचिन कदम हे माजी खासदार अनंत गीते आणि विनायक राऊत यांचे विश्वासू कार्यकर्ते मानले जातात.

विधानसभा निवडणुकीतील मानहानीकारक पराभवानंतर ठाकरेंच्या पक्षाला मोठी गळती लागली आहे. विधानसभा निवडणुकीत ठाकरेंना केवळ २० जागा जिंकता आल्या. तर शिंदेंच्या शिवसेनेनं ५७ जागांवर बाजी मारली. शिवसेना विरुद्ध शिवसेना संघर्षात शिंदेंचं पारडं जडं ठरलं. ठाकरेंच्या पक्षावर पुन्हा विरोधी बाकांवर बसण्याची वेळ आली. तेव्हापासून ठाकरेंच्या पक्षाला अधिक गळती लागली आहे.
Uddhav Thackeray: ठाकरे म्हणाले, बळ वाढवा! नेते म्हणतात, हस्तक्षेप थांबवा! बैठकीत काय घडलं? इनसाईड स्टोरी
ठाकरे गटाचे ४ आमदार आणि ३ खासदार संपर्कात असल्याचा दावा शिवसेनेचे नेते आणि मंत्री उदय सामंत यांनी केला आहे. रत्नागिरीतून ठाकरे गटाला खिंडार पडेल असं ते म्हणाले होते. राजापूरचे माजी आमदार राजन साळवी शिवसेना उबाठाला जय महाराष्ट्र अशी चर्चा त्यानंतर रंगली. राजन साळवी विधानसभेतील पराभवानंतर पक्षावर नाराज आहेत. ते लवकरच शिंदेसेनेत प्रवेश करण्याची शक्यता आहे. ते तीन टर्मचे आमदार आहेत. २००९ ते २०२४ या कालावधीत त्यांनी आमदारकी भूषवली आहे.