अजित पवार यांनी रिकव्हरीबद्दल केले मोठे विधान

आता नुकताच लाडकी बहीण योजनेबद्दल अजित पवार हे बोलताना दिसले आहेत. अजित पवार यांनी म्हटले की, मागच्यावेळी आमच्याकडे मर्यादीत वेळ होता. लाडकी बहिणीचे आम्हाला आधारकार्डशी लिंकअप करायचे होते. ते दुर्देवाने आम्हाला करता आले नाही, कारण वेळ कमी होता. आता त्याच्या संदर्भामध्ये खरोखरच लाडक्या बहिणींना तो लाभ द्यायचाय. तो लाभ देण्यासाठी आम्ही हळूहळू पाऊले उचलत आहोत.
Ajit Pawar : सैफवर हल्ला की अभिनय? नितेश राणेंना संशय; अजितदादा म्हणाले, राणेंच्या मनात शंका असेल तर त्यांनी…ते दुर्देवाने आम्हाला करता आले नाही…

यावेळी अजित पवार यांनी ठणकावून सांगितले की, रिकव्हरीचा अजिबातच विचार नाहीये. गेल्या काही दिवसांपासून सतत चर्चा रंगताना दिसली की, लाडकी बहीण योजनेच्या अटीमध्ये न बसणाऱ्या महिलांना अर्ज करून या योजनेचा फायदा घेतला आहे, त्यांच्याकडून रिकव्हरी सरकारकडून केली जाणार आहे. मात्र, आता अजित पवार यांनी स्पष्ट केले की, लाडकी बहिण योजनेची कोणत्याही प्रकारची महिलांकडून रिकव्हरी केली जाणार नाहीये. लाडकी बहिण योजनेचा महायुतीला मोठा फायदा झाला. ऐन विधानसभेच्या निवडणुकीच्या काळात महायुतीकडून महिलांसाठी ही खास योजना सुरू करण्यात आली.

आम्ही हळूहळू पाऊले उचलत आहोत

महिलांना प्रत्येकी दीड हजार रूपये महिना देण्यात आला. मात्र, या योजनेसाठी काही नियम व अटीही लागू करण्यात आल्या होत्या. महिलांनी अर्ज केल्यानंतर सरसकट अर्ज मंजूर करण्यात आली होती. काही महिला या योजनेच्या नियमात बसत नसतानाही त्यांनी अर्ज केले आणि त्यांना पैसेही मिळाले. त्यांच्याकडून पैसे परत घेतले जाणार असल्याची आता चर्चा होती. अजित पवार यांना सांगितले की, कोणत्याही महिलेकडून रिकव्हरी केली जाणार नाही.