कसा झाला अपघात?

पहिल्या मजल्यावर असलेल्या पार्किंगमध्ये गाडी मागे घेत असताना हा अपघात झाला. पुणे शहरातील विमान नगर भागात असलेल्या शुभम अपार्टमेंटमध्ये ही घटना घडली आहे. गाडी खाली पडल्याने वाहन चालकाला जोरदार झटका बसला आणि तो मागच्या सीटवर फेकला गेला. सुदैवाने या अपघातात कुठलीही जीवितहानी झाली नाही.

पार्किंगमधून गाडी रिव्हर्स घेताना अंदाज न आल्याने गाडी खाली कोसळल्याची माहिती आहे. गाडी खाली पडताच मोठ्या आवाजाने सोसायटी हादरली. आवाज ऐकून वॉचमनसह इमारतीतील रहिवासी धावत घटनास्थळी आले. वाहन चालकाला तातडीने गाडीतून बाहेर काढण्यात आले.

अमरावतीतील अपघात हॉटेल व्यावसायिकाचा मृत्यू

दुसरीकडे, अमरावती शहरातील हॉटेल व्यावसायिक मनोज जयस्वाल (५३) यांचा मंगळवारी समृद्धी महामार्गावरील अपघातात मृत्यू झाला. हा अपघात घटना बुलढाणा जिल्ह्यातील मेहकरनजीक घडला.
Mumbai Mall Woman found dead : मुंबईतील प्रसिद्ध मॉलच्या बेसमेंटमध्ये बॉडी, चाळिशीची महिला मृतावस्थेत आढळल्याने खळबळ
अमरावतीच्या विवेकानंद-रुख्मिणीनगर येथील जयस्वाल हे सोमवारी पहाटे पत्नी व मुलासह तुळजाभवानी मंदिरात मुलीच्या लग्नाची पत्रिका अर्पण करण्यासाठी गेले होते. दुपारी साडेबारा वाजता मंदिरात कुंकू व पत्रिका चढविली. यानंतर कारने अमरावतीला परत येत असताना झोपेची डुलकी लागून वाहन अनियंत्रित झाले.

जयस्वाल हे गंभीर जखमी झाले. त्यांना मेहकरच्या रुग्णालयात दाखल करण्यात आले. अकोल्याला हलविण्यात आले. उपचारादरम्यान त्यांचा मृत्यू झाला.
Sarika Sonawane : गुरुमाऊली मोरेंवरील सर्व आरोप खोटे, दबावामुळे मी… महिला कृषी सहायक अधिकाऱ्याचा गौप्यस्फोट
सध्या वर्तमानपत्र, टीव्हीतील बातम्यांमध्ये अपघातांच्या बातम्या ही नित्याचीच बाब झाली आहे. वाहतुकीचे नियम पाळणे, नियम न पाळणाऱ्यांवर कठोर कारवाई करणे व यात सातत्य ठेवणे, कारवाई करताना कसलाही दबाव झुगारणे, इत्यादी बाबींचा अवलंब केल्यास अपघात पूर्ण थांबणार नसले तरी प्रमाण बऱ्यापैकी आटोक्यात येतील. यासाठी सर्व संबंधित यंत्रणा जसे की, शासन, प्रशासन व नागरिक यांचे प्रामाणिक सहकार्य अत्यंत गरजेचे आहे.