नेमकं काय घडलं?

कारागृह अधीक्षक एकनाथ शिंदे यांनी दिलेल्या माहितीनुसार, आरोपी महिला दोन दिवसांपूर्वी देवपूर पोलीस ठाण्याच्या माध्यमातून कारागृहात दाखल झाली होती. मंगळवारी सकाळी तिने महिला विभागातील हॉलच्या मागील बाथरुममध्ये जाण्याचं सांगून, ओढणीच्या साहाय्याने गळफास घेतला. ही बाब लक्षात येताच कारागृह अधिकाऱ्यांनी तात्काळ वैद्यकीय अधिकाऱ्यांना बोलावण्यात आलं. मात्र तोपर्यंत महिलेचा मृत्यू झाला असल्याचं डॉक्टरांनी घोषित केलं.
बारामती जिल्हा होणार? मंत्री राधाकृष्ण विखे पाटलांनी स्पष्टच सांगितलं, म्हणाले त्या प्रस्तावाची कुठेही…

सेक्सटॉर्शन प्रकरणी झालेला तुरुंगवास

नंदुरबार येथील एका शिक्षकासोबत तरुणीने ऑनलाइन मैत्री केली होती. त्यानंतर त्याला धुळ्यात बोलवून त्याच्या आक्षेपार्ह व्हिडिओद्वारे त्याला ब्लॅकमेल करू लागली. तरुणीकडून शिक्षकाकडे १२ लाख रुपयांची खंडणी मागण्यात आली होती. याप्रकरणी शिक्षकाने पोलिसांत तक्रार केली होती. गुन्ह्यात आरोपी महिला आणि इतर चार जणांविरुद्ध गुन्हा दाखल करण्यात आला होता. त्यानंतर प्रकरणातील मुख्य आरोपी असलेल्या या तरुणीला न्यायालयीन कोठडी सुनावण्यात आली होती.

तुरुंगात आत्महत्येच्या घटनेनंतर धुळे शहर पोलीस ठाण्यात आकस्मिक मृत्यूची नोंद करण्यात आली असून, पोलीस पुढील तपास करत आहेत. न्यायाधीशांच्या उपस्थितीत पंचनामा करण्यात आला आहे. शवविच्छेदनानंतर मृतदेह नातेवाईकांच्या ताब्यात दिला जाणार आहे. या घटनेची एकच चर्चा आहे. मात्र तरुणीच्या आत्महत्येनंतर तिच्या कुटुंबीयांनी पोलिसांवर आरोप केले आहेत.