वाल्मिक कराडची पहिली पत्नी मंजिली कराड आणि दुसरी पत्नी ज्योती जाधव यांच्या मालकीची कोट्यवधींची संपत्ती पुणे, पिंपरी-चिंचवडमध्ये आहे. यातील काही मालमत्तांची खरेदी भाजप नेत्याच्या मदतीनं करण्यात आल्याचा संशय सीआयडीला आहे. सध्या वाल्मिक कराड सीआयडी कोठडीत आहे. त्याची चौकशी सुरु आहे. वाल्मिकशी संबंधित राष्ट्रवादी काँग्रेसचे स्थानिक पदाधिकारी आणि त्याची दुसरी पत्नी ज्योती जाधव यांचीही सीआयडीनं चौकशी केली आहे.
सैफवर हल्ला करणारा शरीफुल बंद खोलीतून कसा पळाला? तपासातून ४ नोकरांबद्दल धक्कादायक उलगडा
आता याच प्रकरणात सीआयडीनं पुण्यातले भाजपचे माजी नगरसेवक दत्ता खाडे यांची चौकशी केली आहे. कराडची दुसरी पत्नी ज्योती मंगल जाधवच्या नावे पुण्यात अनेक मालमत्तांची खरेदी करण्यात आलेली आहे. हे व्यवहार खाडेंच्या मध्यस्थीनं व्यवहार झाल्याचा संशय सीआयडीला आहे. त्याच पार्श्वभूमीवर सीआयडीनं खाडेंची चौकशी केल्याची माहिती आहे. कराडनं पुण्यातील फर्ग्युसन महाविद्यालयासमोर उभ्या राहत असलेल्या इमारतीत ज्योती जाधवच्या नावे कार्यालयीन वापराच्या दोन जागा घेतल्या आहेत. ही खरेदी दत्ता खाडेंच्या मध्यस्थीनं झाल्याचा संशय सीआयडीला आहे.
Saif Ali Khan: कबुतरांच्या विष्ठेमुळे आरोपीचा प्रयत्न फसला; सैफचा हल्लेखोर ‘दिसला’ अन् सगळा डाव फिस्कटला
दत्ता खाडे नेमका कोण?
दत्ता खाडे भाजपमध्ये अनेक वर्षांपासून कार्यरत आहेत. ते भाजपचे पुणे शहर सरचिटणीस आहेत. फर्ग्युसन कॉलेज रस्ता भागातील प्रभागाचे ते नगरसेवक राहिले आहेत. त्यांच्या पत्नी नीलिमा खाडेदेखील नगरसेविका होत्या. ज्योती जाधवची मालमत्तादेखील फर्ग्युसन कॉलेज रस्त्यावर आहे. गोपीनाथ मुंडेंचा निकटवर्तीय अशी खाडे यांची सुरुवातीपासूनच ओळख आहे. दत्ता खाडे आणि वाल्मिक कराडचे जुने संबंध आहेत. चौकशी पूर्ण होताच दत्ता खाडे पुण्याकडे रवाना झाले आहेत.