पालकमंत्रिपदांच्या वाटपात शिवसेना शिंदे गटाचे मंत्री भरत गोगावले व दादा भुसे यांना पालकमंत्रिपद मिळाले नाही. याबाबत गुलाबराव पाटील यांनी रविवारी त्यांच्या पाळधी येथील निवासस्थानी भावना व्यक्त केल्या. ते म्हणाले, ‘भुसे व गोगावले हे आमच्या पक्षाचे जुने शिलेदार आहेत. त्यामुळे त्यांना पालकमंत्रिपद मिळायला हवे होते. नक्कीच त्यांच्यावर अन्याय झाला आहे. याबाबत उपमुख्यमंत्री एकनाथ शिंदे यांची भेट घेऊन असे कारण जाणून घेणार आहोत, असे गुलाबराव पाटील यांनी सांगितले.
भयंकर! मुलबाळ होत नसल्याने पतीची हत्या; मृत व्यक्तीचे दोन विवाह, पत्नीसह दोन भावांवर गुन्हा दाखल
जळगावच्या पालकमंत्रिपदासाठी माझ्यासह गिरीश महाजन व संजय सावकारे यांच्यात कोणतीही स्पर्धा किंवा रस्सीखेच नव्हती. पालकमंत्रिपदाचा निर्णय हा वरिष्ठांनी घेतला आहे. गिरीश महाजन, संजय सावकारे किंवा मीदेखील कधीही जिल्ह्याच्या पालकमंत्रिपदाबाबत इच्छुक असल्याबाबत प्रतिक्रिया दिली नव्हती. त्यामुळे पालकमंत्रिपदाबाबत स्पर्धा वैगेरे होती, हे म्हणणे चुकीचे असल्याचे पाटील यांनी सांगितले.