पोलिसांच्या मारहाणीत कोठडीत मृत्यू झालेल्या परभणीच्या सोमनाथ सूर्यवंशी…यांच्या कुटुंबीयांनी १० लाखांची शासकीय मदत काही दिवसांपूर्वीच नाकारली होती. त्यानंतर गुरुवारी सायंकळी पुन्हा उपविभागीय अधिकारी दत्तू शेवाळे यांच्या नेतृत्वात…एका शिष्टमंडळाने सोमनाथ सूर्यवंशी यांच्या कुटुंबीयांची भेट घेतली.पुन्हा तोच १० लाख रुपयांचा चेक या कुटुंबियांना देण्याचा प्रयत्न केला. पण सूर्यवंशी कुटुंबियांनी दुसऱ्यांदा राज्य सरकारची ही मदत नाकारली आहे. जोपर्यंत आमच्या मुलाच्या मृत्यूस कारणीभूत असलेल्या अधिकारी आणि…कर्मचाऱ्यांवर कारवाई होत नाही तोपर्यंत राज्य सरकारची कसल्याही प्रकारची मदत नको. असा सूर सोमनाथ सूर्यवंशीची आई आणि दोन्ही भावांनी लावला आहे. दुसऱ्यांदा मदत नाकारल्याने आता राज्य सरकार काय पावलं उचलतं हे पाहावे लागेल.