शिर्डीमध्ये भाजपचे राज्यस्तरीय महाअधिवेशन पार पडत आहे. या अधिवेशनामध्ये उपस्थितांना संबोधित करताना देवेंद्र फडणवीस यांनी साईबाबांनी दिलेला श्रद्धा आणि सबुरीचा मंत्र भाजपसाठी महत्वाचा असल्याचे अधोरेखित केले आहे. फडणवीस म्हणाले, ‘मला आनंद आहे की पक्षाचं महाअधिवेशन शिर्डीमध्ये घेत आहोत. साईबाबांनी मंत्र दिलाय श्रद्धा आणि सबुरीचा. श्रद्धा आणि सबुरीचा मंत्र भाजपसाठी सगळ्यात महत्वाचा आहे. आपल्या ब्रीद वाक्यातील राष्ट्रप्रथम म्हणजे श्रद्धा आहे आणि अंती असणारा मै हा सबुरी आहे.’ यावेळी केंद्रीय गृहमंत्री अमित शाह यांची प्रमुख उपस्थिती आहे. तर या अधिवेशनाला भाजपचे राज्यभरातील सर्व दिग्गज नेते उपस्थित आहेत.
Amit Shah : शरद पवारांचं राजकारण २० फूट जमिनीमध्ये गाडलं, तर ठाकरेंना दाखवली जागा, अमित शहांचा हल्लाबोल
फडणवीस पुढे म्हणाले, महाराष्ट्राच्या जनतेने तीन वेळा भाजपला १०० पेक्षा जास्त जागा दिल्या. महाराष्ट्राच्या इतिहासामध्ये १०० पेक्षा जास्त जागा मिळवणारा एकमेव पक्ष भाजप आहे. यावेळी ज्याप्रकारचा विजय आपण प्राप्त केलाय. भाजपने भाजपप्रणित सहा राज्यांप्रमाणेच महाराष्ट्रातही तिसऱ्यांदा जिंकण्याची हॅटट्रिक केली आहे.

तर पुढे फडणवीसांनी महायुतीच्या विजयाचा शिल्पकार देखील सांगितला आहे. ‘लोकसभेमध्ये ३५ टक्के मार्क्स घेऊन पास झालो. त्यानंतर ज्याप्रकारे आपण जोरदार प्रयत्न केले, महाराष्ट्रातील २८८ पैकी २३७ जागा जिंकून महाराष्ट्रात आपण इतिहास तयार केला. आता मेरिटमध्ये भाजप पास झाला. जसे महाभारतात पार्थामुळे विजय मिळाला तसेच आता या विधानसभा निवडणुकीच्या लढाईतही कार्यकर्ते पार्थ म्हणजे केशव होते आणि पंतप्रधान मोदीजी माधव होते. केशव आणि माधवामुळे आपल्याला मोठा विजय मिळाला आहे.’ असेही फडणवीसांनी नमूद केले.