संजय राऊत नेहमीच सकाळी वक्तव्य करत असतात. त्यासंदर्भात आम्ही पक्षश्रेष्ठींसोबत चर्चा करून निर्णय घेऊ. काँग्रेस पक्षाला विचारधारा असून याआधीही काँग्रेस पक्ष स्वबळावर लढला आहे. संजय राऊतांनी टीव्हीवर बोलण्यापेक्षा एकत्रपणे चर्चा केल्या कर ते जास्त चांगलं होईल. कारण आघाडी म्हणून निर्णय घेत असताना वेगळं जरी व्हायचं असेल तर चर्चा करून वेगळं झालंल पाहिजे. संजय राऊतांनी सवय आहे त्याच्याबद्दल मा काही बोलणारन नाही. उद्धव ठाकरे यांचे काय मत आहे ते महत्त्वाचं असल्याचं वर्षा गायकवाड यांनी म्हटलं आहे.

संजय राऊतांनी त्यांच्या पक्षाचे मत मांडले आहे. महाविकास आघाडीमध्ये काम करत असताना प्रामाणिकपणे मदत काम करण्याचं काम केलं आहे. आघाडीसंदर्भात काही निर्णय घ्यायचे असतील तर श्रेष्ठ लोकांशी बोलून घ्यावेत असे पत्रकार परिषद घेऊन नाहीत. आम्ही आमच्या पक्षश्रेष्ठी आणि कार्यकर्त्यांचं म्हणणं ऐकून घेत निर्णय घेऊ. मुंबईमध्ये लोकसभेला दोन आणि विधानसभेला ११ जागा मिळाल्या होत्या. काँग्रेस पक्षाने नेहमीच महाविकासआघाडी धर्म पाळण्याचं काम केलं आहे. विधानसभेचा निकाल शॉकिंग होता, चार राज्यातील निवडणुका एकाचवेळी झाल्या असत्या तर निकाल वेगळा लागला असता, असं संजय राऊत म्हणाले.

दरम्यान, महापालिका निवडणुकांमध्ये आता महायुती आणि महाविकास आघाडीमध्ये फूट पडण्याची दाट शक्यता आहे. यामधील महाविकास आघाडीबाबतचे चित्र आता स्पष्ट झाले आहे. शिवसेना ठाकरे गट स्वबळावर लढणार असल्याचं राऊत बोलले आहेत. मुंबईमध्ये महाविकास आघाडीच्या मतांचे विभाजन झाले तर याचा महायुतीला नक्कीच फायदा होणार आहे. त्यामुळे आता काही बैठका होऊन काही वेगळा निर्णय घेतला जातो का हे पाहणं महत्त्वाचं ठरणार आहे.