युगेंद्र पवार म्हणाले, यापूर्वी येथे महाविद्यालयात खूनाची घटना घडली होती. त्यानंतर पोलिस अधिकाऱयांनी कडक भूमिका घेणे अपेक्षित होते. परंतु तसे घडलेले दिसत नाही. पुन्हा खूनाचे प्रकार बारामतीत झाले. शहरात कोयता गॅंंग सक्रिय झाली आहे. अल्पवयीन मुले कोयत्याने खून करत आहेत. ही दुदैवी स्थिती आहे. यासंबंधी लवकरच जिल्हा पोलिस अधिक्षकांना भेटणार असून आंदोलन हाती घेणार आहे.

बारामतीच्या जिरायती भागातील ४० गावांना प्यायला पाणी मिळत नाही. अशा प्रतिकूल परिस्थितीत ते कांद्याचे उत्पादन घेतात. पण दराअभावी शेतकरी अडचणीत आले आहेत. कांद्याला योग्य दर मिळण्याची गरज त्यांनी व्यक्त केली. बीडच्या प्रकरणावर महायुतीचे आमदारच जर मंत्री मुंडे यांच्या राजीनाम्याची मागणी करत असतील तर गृहमंत्र्यांनी तो विषय गांभिर्याने घ्यावा अशी मागणी त्यांनी केली. काही जिल्ह्यात जाती-जातीत तेढ निर्माण होत आहे, तो आपल्या हिताचा नाही असेही ते म्हणाले.

बारामतीत गेल्या काही महिन्यात गुन्हेगारी प्रचंड वाढताना दिसते आहे. मी सातत्याने यासंबंधी बोलत आहे. अद्याप गुन्हेगारी कमी झालेली नाही. आता शेतकऱय़ांच्या कांदा आणि दूध प्रश्नी आंदोलन केले. आगामी काळात वाढत्या गुन्हेगारीविरोधात आंदोलन हाती घेणार असल्याचा इशारा युवा नेते युगेंद्र पवार यांनी दिला.