बोरिवलीच्या निवृत्त प्राध्यापिकेला दिल्ली येथील कुरियरच्या कार्यालयातून बोलत असल्याचे सांगण्यात आले. आपल्या मुलाच्या बँकॉकला पाठविण्यात आलेल्या पार्सलमध्ये ड्रग्ज असल्याने ते थांबविण्यात आल्याची माहिती त्यांना देण्यात आली. यामुळे त्यांची चिंता वाढली. अटक आणि कायदेशीर कारवाई टाळण्यासाठी प्राध्यापिका आणि तिच्या मुलाने बँकेतील ठेवी आणि गुंतवणूक मोडून त्यातून आलेली सुमारे एक कोटी ६४ लाखांची रक्कम बँक खात्यांवर पाठवली.
Bacchu Kadu Resign: बच्चू कडूंचा अखेर राजीनामा; दिव्यांग कल्याण विभागाचे अध्यक्षपद सोडले, काय कारण?
बँकेतून स्वेच्छानिवृत्ती घेतलेल्या ६८ वर्षीय यशश्री (बदललेले नाव) या गोरेगाव येथे वास्तव्यास आहेत. त्यांना एका अनोळखी क्रमांकावरून फोन आला. आपण क्रेडिट कार्डवरून खरेदी केली. मात्र, त्याची रक्कम अदा न केल्याने तुमच्याविरुद्ध बँकेतर्फे तक्रार करण्यात आल्याची माहिती देऊन या व्यक्तीने आकाश गुलाटी नावाच्या पोलिस अधिकाऱ्याकडे फोन दिला. त्यांचीही सव्वा कोटीला फसवणूक केली. गोरेगाव येथील ७५ वर्षीय महिलेच्या मोबाइलवर एका अनोळखी क्रमांकावरून बेंगळुरू न्यायालयाचा एक आदेश पाठवण्यात आला. मनी लॉडिरिंगची भीती दाखवून वृद्धेच्या बँक खात्यावरून २० लाख रुपये परस्पर वळविले.

पोलिस अधिकाऱ्याकडे फोन दिला. आकाश याने दिलेली माहिती ऐकून यशश्री यांना धक्काच बसला. तुमच्या खात्यामधून ५०० कोटी रुपयांचे मनी लॉन्डरिंग झाले असून त्यासाठी तुम्हाला २० लाख मिळाले असल्याचा थेट आरोप आकाश या अधिकाऱ्याने केला. असे काहीच झाले नसल्याचे यशश्री यांनी सांगितले. मात्र, त्यांचे काहीही न ऐकता तुमचे आधारकार्ड या बँक खात्याशी लिंक असल्याचे सांगत तुम्हाला तुरुंगात जावे लागणार, अशी भीती दाखवण्यात आली. सीबीआयच्या लेटर हेडवर अटकेचे आदेश यशश्री यांना पाठविण्यात आले. घाबरलेल्या यशश्री यांच्याकडून त्यांच्या बँक खात्याचे तपशील, वेगवेगळ्या ठिकाणी केलेली गुंतवणूक याबाबतची सर्व माहिती घेऊन सुमारे एक कोटी २० लाख रुपये परस्पर वळविण्यात आले.

गोरेगाव येथील ७५ वर्षीय महिलेच्या मोबाइलवर एका अनोळखी क्रमांकावरून बेंगळुरू न्यायालयाचा एक आदेश पाठवण्यात आला. त्यानंतर आकाश नावाच्या एका तरुणाचा फोन आला. त्याने बेंगळुरू शहर पोलिस दलात अधिकारी असल्याचे भासविले. न्यायालयात मनी लॉन्डरिंग प्रकरणात एक खटला सुरू असून, तपासामध्ये पोलिसांना तुमच्या खात्यामध्ये या गुन्ह्यातील रक्कम गेल्याची माहिती मिळाली आहे, असे सांगण्यात आले. तुमच्या बँक खात्याची पडताळणी करण्याची आवश्यकता असल्याचे सांगून सर्व तपशील जाणून घेतला. वृद्धेच्या बँक खात्यावरून २० लाख रुपये परस्पर वळविले. फसवणूक असल्याचे लक्षात आल्यावर वृद्ध महिलेने पोलिसांत तक्रार केली.

शुश्रूषा करण्यासाठी नेमलं पण केअरटेकरने केला घात; ८० वर्षीय वृद्धासोबत भयंकर कृत्य, हात-पाय दोरीने बांधले अन्…
निवृत्त महिला लक्ष्य सायबर फसवणुकीच्या या तिन्ही प्रकरणांत वृद्ध महिलांना लक्ष्य करण्यात आल्याचे दिसत आहे. त्यातही निवृत्त झालेल्यांची फसवणूक करण्यात आल्याचे उघड झाले आहे. मुंबईतील या प्रकरणांत एका निवृत्त प्राध्यापिका आणि बँकेतून स्वेच्छानिवृत्ती घेतलेल्या महिलेला कोट्यवधी रुपयांना गंडविण्यात आले आहे.