पुण्यातील सीआयडीच्या अधिकाऱ्यांनी वाल्मिक कराडच्या चौकशीनंतर माध्यमांशी संवाद साधला. त्यावेळी त्यांनी अतिशय त्रोटक माहिती दिली. ‘आज सकाळी साडे बाराच्या सुमारास वाल्मिक कराड पोलिसांसमोर हजर झाला. केजमधील खंडणी प्रकरणातील आरोपी असलेला कराड गेल्या काही दिवसांपासून फरार होता. आज त्याची जुजबी चौकशी करण्यात आली,’ अशी माहिती सीआयडीच्या अधिकाऱ्यांनी पुण्यात पत्रकारांना दिली.
Walmik Karad Surrender: वाल्मिक अण्णा दैवत! कार्यकर्ता तावातावानं बोलला अन् सोबतच्यांनी दूर नेलं; पळवत पळवत कानफटवलं
‘बीडमधील सीआयडी युनिटचे डीवायएसपी अनिल गुजर यांच्या ताब्यात वाल्मिक कराडला देण्यात आलं आहे. त्याला घेऊन पोलीस बीडच्या दिशेनं रवाना झालेले आहेत. ते बीडमध्ये कराडची अधिक चौकशी करतील’, अशी माहिती सीआयडीच्या अधिकाऱ्यांनी दिली. कराडची पुढील चौकशी बीडमध्येच होणार आहे. गेल्या काही दिवसांपासून बीडमधील परिस्थिती तणावपूर्ण बनली आहे.

वाल्मिक कराडला आज बीडमध्येच ठेवण्यात येईल. त्यानंतर उद्या त्याला केजमधील तालुका न्यायालयात हजर केलं जाईल, अशी शक्यता वर्तवली जात होती. पण बीडमधील स्थानिक सुत्रांनी दिलेल्या माहितीनुसार, कराडला आज रात्री आठच्या सुमारास केजमधील न्यायालयात हजर करण्यात येईल. त्यानंतर सीआयडीकडून कोठडीची मागणी करण्यात येईल.
Walmik Karad Surrender: वाल्मिक कराडचं CID मुख्यालयात आत्मसमर्पण; ज्या कारनं आले, ती कोणाची? मालकाचे डिटेल्स समोर
वाल्मिक कराड आज दुपारी साडेबाराच्या सुमारास पुण्यात सीआयडीच्या मुख्यालयात हजर झाला. त्यावेळी त्याच्यासोबत दोन माजी नगरसेवक होते. कराड एका पांढऱ्या कारमधून सीआयडीच्या कार्यालयात हजर झाला. त्यानं आत्मसमर्पण केलं. त्याआधी त्यानं सोशल मीडियावर एक व्हिडीओ शेअर केला. माझ्यावरील आरोप खोटे आहेत. राजकीय हेतूनं ते करण्यात आलेले आहेत. माझ्यावर जामीनपात्र गुन्हा दाखल आहे. पण तरीही अटकपूर्व जामिनासाठी अर्ज न करता मी सीआयडीसमोर हजर होणार आहे, असं कराडनं व्हिडीओत म्हटलं होतं.