पोलादपूर शहराबाहेरील ग्रामीण रुग्णालयाजवळ पोलादपूर वनउपज तपासणी नाका आहे. यावर्षाच्या सुरुवातीपासूनच याठिकाणी मोठ्या प्रमाणात खैर झाडाच्या खोडातील गाभ्याची वाहतूक करणारा ट्रक वनविभागाच्या अधिकाऱ्यांनी पकडला होता. यानंतर कोकणाकडे दरवर्षी महाड आणि पोलादपूर तालुक्यांतील खैराची वाहतूक करुन सोलीव लाकडाची वाहतूक करण्यासाठी गावोगाव एजंन्ट नेमल्यासारखे खैर तस्कर हे निर्यातीचे काम करू लागले होते.
इराणला गेला अन् बेपत्ता झाला, २४ दिवसांपासून संपर्क नाही; पतीच्या शोधासाठी तिची धावाधाव, काय घडलं?
नातळाच्या सुट्टीनंतर मुंबई – गोवा राष्ट्रीय महामार्गावर परतीच्या प्रवासाची वाहनांची दाटी वाढली आहे. अशात पोलादपूरच्या अंडरपास हायवेमधून ग्रामीण रुग्णालयाजवळ वनउपज तपासणी नाक्यासमोरुन निळया रंगाचे ड्रम भरलेला एक ट्रक लिलया बिनबोभाटपणे वनपाल बाजीराव पवार आणि सहकाऱ्यांना कोणताही सुगावा न लागू देता गुरूवारी सकाळी मुंबईच्या दिशेने रवाना होण्यात यशस्वी झाला.
बांगलादेशी तरुण यासीन खानचा सुमन बिस्वास बनला, आधार कार्ड बदललं आणि… नांदेडमध्ये पोलिसांनी मुसक्या आवळल्या, प्रकरण काय?
यानंतर महाड एमआयडीसी पोलीस ठाण्याच्या हद्दीतील राजेवाडी, भोर आणि सावित्री पुलाजवळ उभे राहून वाहनांची तपासणी करणारे पोलीस हवालदार तेजस कदम आणि पोलीस हवालदार नारायण शिर्के यांनी हा टाटा ट्रक अडवला. यात ट्रकमध्ये २४० निळे ड्रम्स संशयास्पद वाटल्याने वनक्षेत्रपाल राकेश साहू यांना कळवलं. यावेळी महाड एमआयडीसीचे पालीस निरिक्षक जीवन माने आणि राकेश साहू यांनी २४० ड्रम्स खैर काताच्या अर्कासह ट्रक आणि ट्रक चालकाला ताब्यात घेतलं. या अवैध वाहतूकप्रकरणी पोलीस आणि वन विभागामार्फत कायदेशीर कारवाई सुरू करण्यात आली आहे.

खैर तस्करांच्या या खैर काताच्या अर्काची वाहतूक करत पोलादपूर आणि महाड येथील वनविभागाच्या डोळयांत धूळफेक करुन ट्रक राजापूर येथून गुजरातकडे रवाना होणार असल्याची माहिती प्राप्त झाली होती. मात्र या सर्व प्रकारात पोलीस आणि वनविभागाने समन्वयाने साधल्याने, वेळीच केलेल्या तपासामुळे पोलिसांच्या कारवाईला यश आलं आहे. आता याआधीही अनेक ट्रकमधून ड्रमद्वारे खैर कात अर्काची वाहतूक करण्यात खैर तस्कर यशस्वी झाले असू शकतात अशी शक्यता व्यक्त होत आहे.