बीएमसीच्या एका अधिकाऱ्याने दिलेल्या माहितीनुसार, लोकांना मालमत्ता कर जमा करणं सोपं व्हावं, यासाठी सर्व प्रभाग कार्यालये (नागरी सुविधा केंद्रे) शनिवार, ३० डिसेंबर रोजी सकाळी ८ ते रात्री १० आणि ३१ डिसेंबर रोजी सकाळी ८ ते १२ मध्यरात्री सुरू राहतील.
भारतासाठी सोन्याची खाण ठरतंय गायीचं शेण, अमेरिका-चीनसह अनेक देशात मोठी मागणी; ‘या’ कारणामुळे मोठी खरेदी
बीएमसीने २०२४-२५ या आर्थिक वर्षात ६२०० कोटी रुपयांचा मालमत्ता कर अर्थात प्रॉपर्टी टॅक्स वसूल करण्याचं उद्दिष्ट ठेवलं आहे. परंतु आतापर्यंत केवळ ३५८२ कोटी रुपये जवळपास ५८ टक्केच बीएमसीच्या तिजोरीत जमा झाले आहेत. आता या कालावधीत थकबाकीदारांनी कर न भरल्यास कडक दंड आकारला जाईल, असं बीएमसीच्या अधिकाऱ्याने सांगितलं आहे.
देशात सात दिवसांचा दुखवटा; मात्र जळगावात ३१ डिसेंबरला अजय-अतुलचा ऑर्केस्ट्रा

प्रॉपर्टी टॅक्स वाढवण्याची तयारी

अधिकाऱ्यांनी दिलेल्या माहितीनुसार, मुंबईतील मालमत्ता कराच्या दरात वाढ करण्याचा बीएमसीचा प्रस्ताव राज्य सरकारने परत घेतला होता. एप्रिल २०२४ ते सप्टेंबर २०२४ आणि ऑक्टोबर २०२४ ते मार्च २०२५ या सहा महिन्यांची शुल्क मालमत्ताधारकांना एकाच वेळी पाठवण्यात आली आहेत. केवळ नियमित करदात्यांकडूनच अर्थात टॅक्स भरणाऱ्यांकडूनच नव्हे, तर वर्षानुवर्षे कर न भरणाऱ्या थकबाकीदारांकडूनही कर वसूल करण्याचे प्रयत्न सुरू झाले आहेत.

ऑक्ट्रॉय अर्थात जकात बंद झाल्यानंतर, बीएमसीच्या उत्पन्नाचा मुख्य स्त्रोत मालमत्ता कर आहे, परंतु अनेक नोटिसा पाठवूनही टॅक्स न भरणाऱ्या मालमत्ताधारकांवर बीएमसी आता कठोर कारवाई करणार आहे.

सन २०२३-२४ मध्ये ४५०० कोटी रुपये प्रॉपर्टी टॅक्स वसूल करण्याचं बीएमसीचं लक्ष्य होतं. मात्र बीएमसीने ४६८९ कोटी रुपये वसूल केले, जे उद्दिष्टापेक्षा जास्त होते. त्याचप्रमाणे २०२२-२३ मध्ये ४८०० कोटी रुपयांचा मालमत्ता कर वसूल करण्याचं उद्दिष्ट होतं, त्यापैकी ५५७५ कोटी रुपये जमा झाले आहेत.