बीडमध्ये आज सर्वपक्षीय आक्रोश मोर्चा काढण्यात आलेला होता. त्यात भाजपचे आमदार सुरेश धस, राष्ट्रवादी काँग्रेस शपचे आमदार जितेंद्र आव्हाड, संदीप क्षीरसागर, माजी खासदार संभाजीराजे छत्रपती, खासदार बजरंग सोनावणे, मराठा आंदोलक मनोज जरांगे पाटील उपस्थित होते. देशमुख हत्या प्रकरणातील सर्व आरोपींना अटक करण्याची मागणी सगळ्याच उपस्थितांनी केली. मंत्री आणि राष्ट्रवादी काँग्रेसचे नेते धनंजय मुंडे या सगळ्या नेत्यांच्या रडारवर होते.
उल्लेख केवळ आमचा का? धसांबद्दल स्पष्टच बोलली प्राजक्ता; ‘तिथे’ कोण कोण होतं? सगळं सांगितलं
धनंजय मुंडे यांचा निकटवर्तीय वाल्मिक कराड या प्रकरणात आरोपी आहे. पण तो अद्याप फरार आहे. १९ दिवस झाले तरीही त्याला अटक झालेली नाही. दुसरीकडे कराडशी संबंधित अनेकांचे व्हिडीओ, फोटो सोशल मीडियावर व्हायरल झाले आहेत. कराडच्या जवळच्या अनेकांच्या हातात बंदुका, पिस्तुलं दिसत आहेत. काहीजण गोळीबार करताना दिसत आहेत. या सगळ्यांची दखल फडणवीस यांनी घेतली आहे.

फरार आरोपींची संपत्ती जप्त करण्याचे आदेश मुख्यमंत्री फडणवीसांनी दिले आहेत. जप्तीची प्रक्रिया तातडीनं सुरु करण्याच्या सूचना सीआयडीचे अतिरिक्त महासंचालक बुरडेंना देण्यात आल्या आहेत. बंदुकीसोबत ज्यांचे फोटो, व्हिडीओ व्हायरल झाले आहेत, त्यांच्या परवान्यांचा फेरआढावा घेऊन परवाने रद्द करण्याचे आदेश फडणवीस यांनी बीडचे पोलीस अधीक्षक नवनीत कांवत यांना दिले आहेत.
प्राजक्ता माळी, सपना चौधरी, रश्मिका मंधाना; ‘कार्यक्रम’ सांगत सुरेश धस यांचा ‘आकां’वर निशाणासरपंच संतोष देशमुख हत्या प्रकरणातील सर्व आरोपींना अद्याप अटक झालेली नाही. खंडणी प्रकरणातून देशमुख यांची हत्या झाली. खंडणी प्रकरणी वाल्मिक कराडचं नाव आलेलं आहे. पण त्याला अटक झालेली नाही. कराड हा धनंजय मुंडेंचा अतिशय जवळचा मानला जातो. त्यामुळेच त्याला वाचवलं जात असल्याचा आरोप होत आहे. विशेष म्हणजे कराडला पोलीस संरक्षण होतं. त्यातून तो फरार झाल्यानं आश्चर्य व्यक्त होत आहे.