वृत्तानुसार, शुक्रवारी सकाळी ६:३० वाजता ही घटना घडली आहे. बार्शी हद्दीतील नागोबाचीवाडी येथे ही धक्कादायक घटना घडली. मनीषा अनंत साळुंखे (वय ४४, रा. जावळे प्लॉट एस लॉन्सच्या पाठीमागे) असे मृत महिलेचे नाव आहे. धाकटा मुलगा तेजस अनंत साळुंखे(वय 21 वर्ष) हा गंभीर जखमी झाला आहे. घटना घडताच दाम्पत्याचा थोरला मुलगा समर्थ अनंत साळुंखे यांनी मारेकरी वडीलांविरोधात पोलिसांत तक्रार दाखल केली. बार्शी ग्रामीण पोलिस ठाण्यात आरोपी अनंत साळुंखेंविरोधात गुन्हा दाखल करण्यात आला आहे.
Satish Wagh Murder Case: केवळ हात पाय तोडण्याची सुपारी होती, पण…; सतीश वाघ हत्याकांड प्रकरणात धक्कादायक माहिती उघड

भिशीचे पैसे फेडले नाही, लोकांनी लावला होता तगादा

पोलिसांत दाखल तक्रारीत म्हटले आहे की, २६ डिसेंबरला रात्री आईवडील घरी नसताना मोठ्या मुलाकडे शेजारचे लोक आमचे भिशीचे पैसे दे, आमचे पैसे दिले नाहीत तर आम्ही घरातील सामान घेऊन जाऊ, घराला कुलूप लावून अशी दमदाटी केली होती. त्याने वडील अनंत साळुंखे यांना फोन लावून झालेला प्रकार सांगितला. त्यानंतर आईवडील घरी आले तेव्हा वडील आईला शिवीगाळ करत होते. भिशीमुळे कर्जाचा डोंगर डोक्यावर झाला आहे. वेळेवर भिशीचे पैसे न दिल्याने लोकांनी तगादा लावला आहे. याचा राग अनंत साळुंखे यांच्या मनात होता.

पुण्याला जायचे असे सांगत शेतात नेऊन ठार केले

तक्रारीत पुढे म्हटले की, वडील मारतील या भीतीने आईने मावशी कौशल्या राऊत यांना घरी सोबतीसाठी बोलावले होते. २७ डिसेंबरला सकाळी आई मनीषा हिने भिशी लावल्यामुळेच कर्ज झाले, असे म्हणाली. हा राग मनात धरून आरोपीने पुण्याला जायचे म्हणून आई व भाऊ तेजस याला मोटरसायकलवर बसवून नागोबाचीवाडी हद्दीतील आमच्या शेतात नेले होते. तेथे त्यांनी आईच्या गळ्याला टॉवेलने आवळून उजव्या कानाच्या खाली मानेवर कानाच्या पाठीमागील डाव्या बाजूस जबड्यावर धारदार चाकूने भोसकून तोंडावर डोळ्यावर दगडाने मारले. यामध्ये आई जागीच ठार झाली. तसेच छोटा मुलगा तेजस यास गळ्यावर पोटावर डाव्या बाजूस धारदार चाकूने मारून जिवे मारण्याचा प्रयत्न करण्यात आला. या घटनेने सारी पंचक्रोशी हादरली आहे. तर याप्रकरणी सहाय्यक पोलीस निरीक्षक दिलीप ढेरे हे पुढील तपास करत आहेत.