मुंबईत गुरुवारची सकाळ इतर दिवसांच्या तुलनेत काहीशी वेगळी दिसली. साधारणत: गेल्या काही दिवसांपासून काहीसा सूर्यप्रकाश आणि हलकं धुकं दिसत होतं, मात्र गुरुवारी सकाळपासूनच आकाश ढगाळ होतं आणि धुक्याची पातळीही अधिक असल्याचं दिसलं.
टीप नको, एक कांदा हवाय… डिलीव्हरी बॉयच्या विचित्र मागणीने सर्वच चक्रावले, प्रकरण काय?

हवेत पसरलेले धुळीचे कण

सफरचे संचालक गुफरान बेग यांनी सांगितलं की, मुंबईतील प्रदूषणाची पातळी गुरुवारी अधिक होती. धुळीचे कण आणि धुकं एकत्र मिसळल्यानंतर प्रदूषक वातावरणात राहतात. त्यामुळे गुरुवारी मुंबईत दिवसाचं तापमान ३०.५ अंश आणि किमान तापमान १९.१ अंश सेल्सिअस नोंदवलं गेलं.

१०० किंवा त्यापेक्षा कमी AQI (एअर क्वालिटी इंडेक्स) समाधानकारक मानला जातो. मात्र १०० किंवा त्याहून अधिक AQI धोकादायक असल्याचं मानलं जातं.

मात्र, मुंबईतील अनेक भागात वायू गुणवत्ता १६८ एक्यूआय नोंदवण्यात आला आहे. तर मुंबईतील काही ठिकाणी २०० हून अधिक एक्यूआय असल्याचं समोर आलं आहे.
मुंबई-ठाण्यात धावणार केबल टॅक्सी, नव्या परिवहन मंत्र्यांकडून प्रवाशांसाठी Good News, नव्या प्रयोगाचे प्रवाशांसाठी काय फायदे?

मुंबईतील या शहरात २०० हून अधिक AQI, सर्वात खराब हवा

सफर या मॉनिटरिंग स्टेशनवर बोरिवलीत २८० एक्यूआय, मलाडमध्ये २७०, कुलाब्यात २७०, देवनारमध्ये २२१, कांदिवली पश्चिमेत २२१, माझगावमध्ये २१६ आणि वरळीत २०१ असा AQI नोंदवण्यात आला आहे. २०० पेक्षा जास्त AQI खराब असून यामुळे लोकांना आरोग्याच्या समस्या निर्माण होऊ शकतात.

हवामान खात्याच्या सूत्रांनी दिलेल्या माहितीनुसार, मुंबईत सामान्यत: २ किमी किंवा त्याहून अधिक दृश्यमानता असते. पण गुरुवारी दृश्यमानता सुमारे १.५ किमी होती. ज्यावेळी अधिक प्रमाणात धुकं असतं तेव्हा दृश्यमानता कमी होते. त्यामुळेच गुरुवारी दृश्यमानता कमी होती. मात्र, शुक्रवारपासून धुकं कमी होणार असल्याची माहिती हवामान खात्याकडून देण्यात आली आहे.