आपल्या प्रकृतीची उत्तम काळजी घेण्यासाठी अनेक नागरिक पहाटे चारपासूनच मार्निंग वॉकला घरा बाहरे पडतात. यामध्ये ज्येष्ठ नागरिक, महिलांचाही मोठा समावेश आहे. हे रस्त्यावर, मैदानात, गार्डन, सोसायटीच्या आवारात चालण्याचा व्यायाम करतात. मात्र, यातील रस्त्यावर मॉर्निंग वॉक करणाऱ्या नागरिकांना आपल्या जीवाची काळजी घेणे गरजेचे आहे. गेल्या काही दिवसांत मॉर्निंग वॉकसाठी रस्त्यावर चालणाऱ्या नागरिकांचा अपघाती मृत्यू झाला आहे. पिंपळे गुरव आणि देहूरोड येथे अशाच प्रकारच्या दोन घडल्या आहेत. रस्त्यावर मॉर्निंग वॉक करणे आणि वॉक करताना कानात हेडफोन घालणे, यामुळे वाहनांचा आवाज येत नाही. पहाटे अंधारच असल्याने तसेच रस्ता मोकळा असल्याने वाहन चालकही वेगात वाहन चालवत असतात. त्यामुळे पहाटेच्या वेळेतील अपघातांचे प्रमाण वाढले आहे.
Pune Crime: पुण्यात डान्स टीचरचा चार मुलांवर अनैसर्गिक अत्याचार, वर्गात ‘तो’ शब्द ऐकला अन् प्रकार उघड
महिला लक्ष्य
मागील दहा महिन्यांत १३५ ठिकाणी जबरी चोरीचे गुन्हे घडले आहेत. यामध्ये ८० घटना दागिने हिसकावल्याच्या आहेत. याव्यतिरिक्त मोबाइल, रोकड असलेली पर्स यांसह मौल्यवान वस्तू चोरट्यांनी हिसकावून नेल्याच्या नोंदी आहेत. विशेष बाब म्हणजे चोरटे मॉर्निंग वॉक करणाऱ्या महिलांना टार्गेट करीत असल्याचे पोलिस तपासात समोर आले आहे.

पादचारी मार्गाचा वापर गरजेचा
पहाटेच्या सुमारास रस्ता मोकळा असल्याने नागरिक रस्त्याच्या मधोमध चालतात. त्यामुळे पाठीमागून भरधाव आलेल्या वाहनांची धडक बसल्याने प्राणांतिक अपघात घडतात. वाढत्या घटनांमधून धडा घेऊन नागरिकांनी फिरताना पादचारी मार्गाचा वापर करणे गरजेचे आहे.
छगन भुजबळ यांचे आस्ते कदम! आधी ‘ओबीसीं’ची मोट बांधणार; राष्ट्रवादी सोडण्याबाबत विचारपूर्वक निर्णय
‘महामार्गांकडेला पळताना घ्या काळजी’
शहर परिसरातून काही महत्त्वाचे महामार्ग गेले आहेत. विविध परिक्षांची तयारी करणारे विद्यार्थी; तसेच काही हौशी तरुण पहाटेच्या वेळी या महामार्गांकडेला पळताना दिसतात. दूरचा प्रवास करून आलेल्या वाहनचालकांच्या डोळ्यावर पहाटे झोप असल्याने अशा वेळी अपघाताची शक्यता निर्माण होते. रस्त्यावर वर्दळ कमी असल्याने अशा वेळी अपघात झाल्यास त्याची लवकर कोणाला माहितीही मिळत नाही. यामुळे तरुणांनी पहाटेच्या वेळी महामार्गावर पळताना काळजी घ्यावी, असे आवाहन पोलिसांनी केले आहे.
पुणे-नाशिक सेमी हायस्पीड रेल्वे पुन्हा लांबणीवर; GMRTमुळे रेल्वे मंत्रालयाने नाकारली परवानगी
सिग्नल बंद असल्याने वाहने सुसाट
पहाटेच्या वेळी शहराच्या मुख्य चौकांतील सिग्नल बंद असतात; तसेच नागरिकांची वर्दळही कमी असते. त्यामुळे चालक वाहने भरधाव दामटतात. वाहनांवर नियंत्रण राहत नसल्याने अचानक समोर कोणी दिसल्यास अपघात होऊन जीवितहानी होते. यामुळे नागरिकांना पहाटे फिरताना काळजी घेण्याचे आवाहन पोलिसांनी केले आहे.

पहाटेच्या वेळी रस्त्यावरून चालताना नागरिकांनी खबरदारी घेणे घेणे गरजेचे आहे. महापालिकेची उद्याने किंवा पादचारी मार्गावरूनच चालणे अपेक्षित आहे. यामुळे अपघात होऊन जीवितहानी होणार नाही; तसेच मॉर्निंग वॉकसाठी बाहेर पडणाऱ्या महिलांनीदेखील दागिन्यांचे प्रदर्शन टाळून खबरदारी घेणे आवश्यक आहे. – बापू बांगर, पोलिस उपायुक्त, पिंपरी-चिंचवड