विधानसभेला नगर जिल्ह्यातील कोपरगाव मतदारसंघात महायुतीसमोर पेच निर्माण झाला होता. भाजप नेते विवेक कोल्हे बंडाच्या तयारीत असल्याने महायुतीची अडचण झाली होती. मात्र त्यावेळी देवेंद्र फडणवीसांनी मध्यस्थी केल्याने कोल्हेंनी माघार घेतली होती. त्यावेळी कोल्हेंची दिल्लीत केंद्रीय गृहमंत्री अमित शहा यांच्यासोबतही बैठक झाली होती. यानंतर शाहांनी कोल्हेंना मोठी ऑफर दिल्याची चर्चा देखील रंगली होती. अशातच फडणवीस मुख्यमंत्री झाल्यानंतर आज (१८ डिसें.) कोल्हेंनी त्यांची भेट घेतली. मात्र ही केवळ सदिच्छा भेट असल्याचे विवेक कोल्हेंनी सांगितले.