मिळालेल्या माहितीनुसार, शुक्रवारी सकाळी मेलबद्दलची माहिती मिळाली. ईमेलमध्ये रशियन भाषेत रिझर्व्ह बँकेला उडवून देण्याची धमकी देण्यात आली आहे. हा मेल विदेशातूनच आल्याचे देखील सांगितले जातंय. यापूर्वी रिझर्व्ह बँक ऑफ इंडियाच्या कस्टमर केअर विभागाला धमकीचा फोन आला होता. मुंबई पोलिसांनी गुन्हा देखील दाखल केला होता. त्यावेळी त्या व्यक्तीने म्हटले होते की, लष्कर-ए-तैयबाचा सीईओ बोलत आहे.
Mumbai Crime : सावधान! हे तुमच्यासोबतही घडू शकतं;५८ वर्षीय अधिकाऱ्याला सात दिवस ‘डिजीटल अरेस्ट’, १.०७ कोटींचा गंडारिझर्व्ह बँक ऑफ इंडियाला काही दिवसांमध्येच ही दुसरी धमकी आलीये. गेल्या आठवड्यात दिल्लीतील काही शाळांना बॉम्बने उडवण्याची धमकी देण्यात आली होती. त्यानंतर शाळा प्रशासनाने विद्यार्थ्यांना घरी पाठवून दिले. पोलिसांनी देखील शाळांबाहेर मोठा बंदोबस्त ठेवला होता. सतत बॉम्बने उडवण्याच्या धमक्या दिल्या जात आहेत. जास्त करून हे फोन आणि ईमेल विदेशातून केले जात असल्याचे स्पष्ट करण्यात आले. सर्वात जास्त फटका विमान कंपन्यांना या बॉम्बने उडवण्याच्या धमक्यांचा बसला आहे.

मागील महिन्यात सतत विमान कंपन्यांना मेल करून धमक्या मिळत होत्या. यामुळे अनेक उड्डाने रद्द करण्यात आली तर काहींना अचानक लॅडिंग करावे लागले. याचा फटका विमान कंपन्यांना बसला आहे. मोठे नुकसान कंपन्यांचे झाले होते. हेच नाहीतर देशाचे पंतप्रधान नरेंद्र मोदी यांच्या हत्येचा कट रचला जात असल्याची एक संदेश मुंबई पोलिसांना पाठवण्यात आला होता. ज्यामध्ये काही लोकांच्या नावाचा उल्लेख देखील होता. एक नंबर देखील या संदेशासोबत पाठवण्यात आला होता.