विमानतळाच्या फूड कोर्टमध्ये काम करणाऱ्या काही कर्मचाऱ्यांना आंतरराष्ट्रीय ट्रांझिट प्रवाशांकडून सोनं घेऊन विमानतळाबाहेर तस्करी केली जात असल्याची गुप्त माहिती डीआरआयला मिळाली होती. त्यानुसार तात्काळ कारवाई करण्यात आली. या कारवाईमध्ये विमानतळावर काम करणाऱ्या तिघांना ताब्यात घेण्यात आलं आहे. याशिवाय ६ लोकांना अटक करण्यात आली आहे.
व्हेल माशाच्या उलटीची तस्करी, ६२०००००० रुपये किमतीची दुर्मिळ गोष्ट; ठाणे पोलिसांची मोठी कारवाई
अटक करण्यात आलेल्या लोकांकडून २४ अंडाकृती आकाराच्या डब्ब्यांमधून मेणात लपेटलेलं सोनं जप्त करण्यात आलं आहे. एकूण १२.५ किलो सोनं ताब्यात घेण्यात आलं आहे. हे इतकं सोनं ८ पाऊचमध्ये ठेवण्यात आलं होतं. सर्व आरोपींना सीमा शुल्क कायदा १९६२ अंतर्गत अटक करण्यात आली आहे.

डीआरआयच्या टीमने सोनं पोहोचवणाऱ्या ३ सोने वितरण कर्मचाऱ्यांना आणि सोनं ताब्यात घेणाऱ्या (रिसीव्हरला) तिघांना अटक केली आहे. सध्या त्यांची चौकशी सुरू आहे. हे सोने ८ पिशव्यांमध्ये लपवून आणण्यात आलं होतं. २४ अंडाकृती सोन्याचे गोळे मेणाच्या पिशव्यांमध्ये लपवले होते.
Kurla Best Bus Accident: बाप मदतीसाठी धावला, समोर लेकाचा मृतदेह दिसला, अंगावर काटा आणणारा प्रसंग
दरम्यान, मागील दोन दिवसांत डीआरआयकडून मुंबईत ३६ किलो सोनं जप्त करण्यात आलं आहे. या कारवाईमुळे तस्करी करणाऱ्या लोकांना मोठा झटका बसला आहे. मुंबईतील या कारवाईमुळे सोन्याच्या तस्करीत असलेल्या रॅकेटला मोठ्या धक्का बसला आहे. सोन्याच्या तस्करीसाठी तस्कर व्यावसायिक आणि वैयक्तिक अशा पद्धतींचा मार्ग अवलंबून तस्करी करतात.

६ कोटींची व्हेल माशाची उलटी जप्त केलेली

ऑक्टोबरमध्ये ठाणे पोलिसांनी व्हेल माशाची तस्करी करणाऱ्यांवर कारवाई करत तिघांना ताब्यात घेतलं होतं. त्यांच्याकडून तब्बल ६ कोटी २० लाख रुपयांचं ५.६ किलो एम्बरग्रीस अर्थात व्हेल माशाची उलटी जप्त केली होती. गुप्त माहितीनंतर ठाणे पोलिसांनी ही कारवाई केली होती.