मस्जिद बंदरहून परतणारा २४ वर्षीय अमन खान बस अपघातात जखमी झाला. तो कपाडिया नगरमधील त्याच्या दुकानात जात होता. सध्या त्याच्यावर कुर्ला पश्चिमेतील भाभा रुग्णालयता उपचार सुरु आहेत. बेस्ट बसनं धडक दिलेल्या रिक्षा आणि क्वालिस कारमध्ये तो अडकला. त्यामुळे तो जखमी झाला. अखेरच्या क्षणी दाखवलेल्या प्रसंगावधानामुळे त्याचा जीव वाचला.
Kurla Bus Accident: भेदरलेले प्रवासी, वेग वाढताच जीव मुठीत, काचा फुटताच उड्या, ‘त्या’ बसमधलं CCTV फुटेज समोर
‘एल बी एस रोडवरील कपाडिया नगरातील दुकानात मी मदतनीस म्हणून मी काम करतो. कुर्ला पश्चिम रेल्वे स्थानकातून मी सोमवारी रात्री परतत होतो. एस. जी. बर्वे रस्त्यावरुन चालत असताना मला बेस्टची समोरुन येताना दिसली. काही कळायच्या आत तिनं रिक्षाला धडक दिली. त्यानंतर ती माझ्या दिशनं आली. मी काही करायच्या आत बसनं मला धडक दिली. मी काही अंतरावर जाऊन पडलो. बस माझ्या दिशेनं येत होती. जमिनीवर पडलेला असल्यानं उभं राहण्याची संधीच नव्हती. मी पटकन एका बाजूला झालो आणि त्यामुळे वाचलो,’ अशा शब्दांत अमन खाननं त्याच्यावर गुदरलेला बाका प्रसंग कथन केला.
Kurla Bus Accident: ‘तो’ नकार अनामच्या जीवावर बेतला; बस अपघातात २० वर्षीय तरुणीचा अंत; ‘त्या’ रात्री काय घडलं?
५८ वर्षांच्या बशीरा शेख यांच्यावरही भाभा रुग्णालयात उपचार सुरु आहेत. त्यांच्या डोक्याच्या मागील भागाला इजा झाली आहे. बशीरा शेख प्रवास करत असलेल्या रिक्षाला भरधाव वेगातील बसनं मागून धडक दिली. त्या शेअर रिक्षानं प्रवास करत होत्या. सोनोग्राफी आणि सीटी स्कॅनसाठी त्या जात होत्या. बसनं धडक देत रिक्षाला भरधाव वेगात पुढे नेलं. त्यावेळी रिक्षातील सगळेच प्रवासी घाबरुन आरडाओरड करत होते. रिक्षात एकूण ५ जण होते. काही मिनिटांनंतर त्यांनी रिक्षातून उड्या मारल्या. जखमी अवस्थेत ते रस्त्यावर पडून होते. त्यानंतर त्यांना रुग्णालयात दाखल करण्यात आलं.