रस्त्यावर पडलेले मृतदेह, जखमी लोक पाहून जमाव संतप्त झाला आणि जमावाने संजय मोरेला मारहाण करण्यास सुरुवात केली. जमाव इतका रागात होता की त्याने संजय मोरे यांचा जीव घेतला असता. मात्र, एका व्यक्तीमुळे संजय मोरेचा जीव वाचला. एका वकिलाने आपल्या जीवाची पर्वा न करता जमावाचता रोष सहन करत संजय मोरेला वाचवलं. तसेच, तिथे उपस्थित असलेल्या पोलिसाच्या प्रसंगावधानामुळे संजय मोरे जमावाच्या तावडीतून सुटू शकला. तर, बसचा वाहन एका दाताच्या दवाखाण्यात जाऊन लपून बसल्याने तोही बचावला आहे.
Kurla Accident: पैसे नकोत, कारवाई करा; माझी आई… कुर्ला अपघाताने सारे हिरावून नेलं, लेकाचं दु:ख पहावेना
कुर्ला एलबीएस मार्गावर भरधाव वेगाने येत या बसने सात जणांचा जीव घेतला. त्यानंतर ही बस एका प्रवेश द्वाराच्या कमानीला जाऊन आदळली आणि थांबली. काही क्षणात या बसमुळे एलबीएस रोडवर मृत्यचं तांडव घडलं. सर्वत्र रक्ताचा सडा पडलेला होता. जखमी लोक विव्हळत होते, तर काहींनी जागीच जीव सोडल्याने त्यांचे मृतदेह छिन्नविछिन्न अवस्थेत पडलेले होते. हे सारं पाहून परिसरातील लोक खूप संतापले. त्यांनी संजय मोरेला बसखाली उतरवले आणि बेदम मारहाण करायला सुरुवात केली. तसेच, वाहक सिद्धार्थ मोरेही गर्दीच्या हाती लागला. तेवढ्यात एक वकील आसिफ हुसेन हे गर्दीत शिरले आणि त्यांनी संजय मोरेला पकडलं, त्यांनी संजय मोरेला जमावाच्या तावडीतून सोडवण्याचा प्रयत्न केला आणि कसेबसे पोलिसांच्या गाडीपर्यंत पोहोचवलं.

तेवढ्यात संधी साधून वाहक हा एका दाताच्या दवाखान्यात जाऊन लपला. त्यानंतर आसिफ यांनी सिद्धार्थ मोरेला वेगळे कपडेही दिले, ते कपडे घालून त्याला बाहेर काढलं आणि त्याचा जीव वाचला.

यावेळी या अपघातात जखमी झालेले पोलीस उपनिरीक्षक प्रशांत चव्हाण यांनीही आपण जखमी आहोत हे विसरुन संजय मोरेला जमावाच्या तावडीतून सोडवण्याचा प्रयत्न केला. पोलीस उपनिरीक्षक प्रशांत चव्हाण गस्तीवर असताना या बसने फरफटत आणलेली रिक्षा त्यांना येऊन धडकली आणि ते जखमी झाले. तरी, प्रशांत चव्हाण यांनी तात्काळ पोलीस ठाण्यात फोन करुन घटनेची माहिती दिली आणि अतिरिक्त पोलिसांना बोलावून घेतलं. त्यानंतर संजय मोरे आणि सिद्धार्थ मोरे या दोघांनाही ताब्यात घेतलं.