फडणवीस सरकारमध्ये स्वच्छ, निष्कलंक चेहरे असावेत यासाठी भारतीय जनता पक्षाचं नेतृत्त्व आग्रही आहे. गेल्या मंत्रिमंडळात असणाऱ्या अनेक बड्या नेत्यांना यंदा संधी मिळण्याची शक्यता आहे. मागील मंत्रिमंडळात असताना केलेली असमाधानकारक कामगिरी यामागचं कारण ठरु शकते, अशी माहिती सुत्रांनी दिली आहे.
Devendra Fadnavis: फडणवीस वर्षावर, सागरला अचानक मोठी डिमांड; बडा नेता प्रयत्नात, रामटेक, देवगिरी मागे पडले
खराब कामगिरी आणि प्रतिमा यामुळे मागील मंत्रिमंडळातील पुन्हा संधी मिळण्याची शक्यता कमी आहे. शिवसेनेतील तीन मंत्र्यांचा यामध्ये समावेश आहे. अन्न आणि औषध प्रशासन, जलसंपदा मंत्री संजय राठोड, अल्पसंख्याक मंत्री अब्दुल सत्तार, आरोग्य मंत्री तानाजी सावंत यांना पुन्हा संधी मिळण्याची शक्यता कमी आहे.

राष्ट्रवादी काँग्रेसच्या दोन वरिष्ठ नेत्यांचा पत्ता कट होण्याची दाट शक्यता आहे. सहकार मंत्री दिलीप वळसे पाटील, वैद्यकीय शिक्षण मंत्री हसन मुश्रीफ यांना पुन्हा संधी मिळण्याची शक्यता धूसर आहे. भाजपच्याही दोघांना डच्चू मिळण्याची शक्यात आहे. कामगार मंत्री सुरेश खाडे, आदिवासी विकास मंत्री विजयकुमार गावित यांना नारळ दिला जाऊ शकतो.
Devendra Fadnavis: फडणवीसांची अट; शिवसेनेच्या पाच जणांचा पत्ता कट? मंत्रिपद मिळणं अवघड, कोणाकोणाचा समावेश?
कोणाकोणाला संधी मिळण्याची शक्यता?
शिवसेनेकडून उदय सामंत, शंभुराज देसाई, दादा भुसे, गुलाबराव पाटील यांना पुन्हा मंत्री होण्याची संधी आहे. त्यांच्या गळ्यात मंत्रिपदाची माळ पुन्हा पडू शकते. संजय शिरसाट, प्रताप सरनाईक, भरत गोगावले, आशिष जैस्वाल, राजेश क्षीरसागर, अर्जुन खोतकर यांची मंत्रिमंडळात वर्णी लागू शकते.

राष्ट्रवादीकडून छगन भुजबळ, धनंजय मुंडे, धर्मरावबाबा आत्राम, अदिती तटकरे, संजय बनसोड, नरहरी झिरवळ, दत्ता भरणे, अनिल पाटील, मकरंद आबा पाटील यांची मंत्रिपदं निश्चित मानली जात आहेत.
Rohit Patil: पुराणात ‘अमृता’ला वेगळं महत्त्व होतं अन् आजही..; रोहित पाटलांकडून खास उल्लेख; CM गोड हसले
भाजपकडून १५ जण मंत्रिपदाची शपथ घेऊ शकतात. त्यात चंद्रकांत पाटील, गिरीश महाजन, सुधीर मुनगंटीवार, चंद्रेशेखर बावनकुळे, रविंद्र चव्हाण, मंगलप्रभात लोढा, राधाकृष्ण विखे पाटील, शिवेंद्रराजे भोसले, अतुल सावे, पंकजा मुंडे, माधुरी मिसाळ, देवयानी फरांदे, संजय कुटे, आशिष शेलार, गणेश नाईक यांना समावेश असू शकतो.