बिग बॉस मराठी सिझन पाचचा विजेता सूरज चव्हाण याने उपमुख्यमंत्री अजित पवार यांची भेट घेतली. अजित पवार उपमुख्यमंत्री झाल्यानंतर सूरजने मंत्रालयात जाऊन त्यांची भेट घेतली. लवकरच सुरजचा ‘झापुक झुपुक’ हा चित्रपट प्रदर्शित होणार आहे. मात्र त्यापूर्वी त्याने अजित पवार यांची भेट घेऊन त्यांना शुभेच्छा दिल्या आहेत. सूरज बिग बॉसचा विजेता झाल्यानंतर त्याला घर बांधून देणार असल्याचा शब्द त्यावेळी अजित पवारांनी दिला होता. यानुसार सुरजच्या घराचं काम जोरात सुरू असल्याच स्वतः सूरजने यावेळी सांगितलं. तर अजित पवार हे देवमाणूस असून ते दिलेला शब्द पूर्ण करतात अशा शब्दांत सुरजने अजित पवारांचं कौतुकही केलं.