कारचालक ध्रुव गुप्ता याचे म्हणणे आहे की, कारचे स्टेअरिंग जाम झाले होते. ज्यामुळे दुचाकींला धडक लागली. पोलीस याप्रकरणी पुढील तपास करत आहेत. ध्रुव हा सध्या विद्यार्थी असून तो विलेपार्ले येथील रहिवाशी आहे.

वांद्रे पश्चिमेतील साधू वासवानी चौकातील हा थरार सिटिम्सही कॅमेऱ्यात कैद झाला आहे. भरधाव वेगात असणाऱ्या पोर्शे कारने दुचाकींना धडक दिली. व्हिडीओमध्ये दित असल्याप्रमाणे कारने धडक दिल्यानंतर गाडीतील पाचही जण गाडीतून उतरताना दिसत आहेत. ते मद्यधुंद असल्याचेही दिसतेय. अपघातस्थळी लोक जमा होऊ लागताच त्यातील एक तरुणी पुन्हा गाडीत बसताना दिसतेय. एवढ्यात एक काचेची बाटली बाहेर फेकताना देखील सीसीटीव्हीमध्ये दिसतेय. बॉटल नेमरी कसली? यावर शंका उपस्थित होत आहे.
मुंबईकरांचा रविवारी खोळंबा; मध्य-हार्बर रेल्वेमार्गांवर ब्लॉक, कोणत्या लोकल रद्द? वाचा वेळापत्रक
पोलीस अधिकाऱ्याने सांगितले की, ‘या घटनेत कोणीही जखमी झालेले नाही. आम्ही तरुणाविरुद्ध रॅश ड्रायव्हिंग केल्याप्रकरणी गुन्हा दाखल केला आहे. तर त्याला नोटीसही बजावली आहे.’ तर ध्रुव गुप्ता याच्या रक्ताचे नमुने घेण्यात आले असून ते फॉरेन्सिक तपासणीसाठी पाठवण्यात आले असल्याचेही पोलिसांनी सांगितले. या अहवालात नेमकं काय समोर येतं हे पाहणेही महत्वाचे असणार आहे.

वांद्रे येथील अन्य भीषण अपघातात तरुणीचा बळी

दरम्यान, गुरुवारी वांद्रे येथील आणखी एका भीषण अपघातात २५ वर्षीय मॉडेलचा बळी गेला आहे. ती एका मोटरसायकलच्या पिलियन सीटवर प्रवास करत होती ज्यावर तिचा मित्र स्वार होता. ही दुचाकी कलंत्री स्क्वेअर, वांद्रे पश्चिम येथे पोहोचली तेव्हा एका डंपरने दुचाकीला धडक दिली, परिणामी तिचा मृत्यू झाला, तर तिचा मित्र जखमी झाला.