विष्णू भंगाळे यांचा सोबत ठाकरे गटाच्या अनेक पदाधिकाऱ्यांनी आणि कार्यकर्त्यांनी देखील शिंदे गटात प्रवेश केला आहे. विष्णू भंगाळे यांच्या प्रवेशामुळे शिवसेना ठाकरे गटाच्या अडचणीत वाढ झाली आहे तर भाजपचे उमेदवार सुरेश भोळे यांची बाजू आता अधिक भक्कम झाली आहे. यावेळी आमदार सुरेश भोळे, शिवसेना आघाडीच्या महिला आघाडीच्या जिल्हाप्रमुख सरिता माळी-कोल्हे यांच्यासह अनेक प्रमुख पदाधिकारी उपस्थित होते.

शिवसेना शिंदे गट वेगळा झाला त्यावेळी विष्णू भंगाळे यांनी ठाम बाळासाहेब ठाकरे यांच्या पक्षात राहणार असा दावा केला होता. मात्र अडीच वर्षातच विष्णू भंगाळे यांना पक्षातूनच वेळोवेळी डावलले जात होते. या जळगाव शहरातून शिवसेना ठाकरे गटा तर्फे उमेदवारीसाठी इच्छुक होते. मात्र त्यांना डावलून जयश्री महाजन यांना उमेदवारी देण्यात आल्याने विष्णू भंगाळे नाराज होते कुठेही ते प्रचारात सहभागी दिसले नाही.

विष्णू भंगाळे हे गेल्या ३० ते ३५ वर्षापासून जळगाव शहराच्या राजकारणात सक्रीय आहेत. त्यांनी एकदा जळगाव शहराचे महापौरपद देखील भूषवलेले आहे. या प्रवेशामुळे या प्रवेशामुळे शिवसेना ठाकरे गटाचे उमेदवार जयश्री महाजन यांना मोठा धक्का बसणार आहे. भांगळे यांच्यासोबत अनेक माजी नगरसेवक आणि समर्थक देखील शिंदे गटात आल्याने त्याचा उद्या होणाऱ्या मतदानावर परिणाम होण्याची शक्यता आहे.