म. टा. प्रतिनिधी, पुणे : प्रेयसीला मोबाइलवरून सतत मिस कॉल देऊन त्रास देणाऱ्या कामगाराच्या पोटात चाकू खुपसून खून करणाऱ्या सुपरवायझरला न्यायालयाने जन्मठेपेची शिक्षा ठोठावली. खून केल्यावर आरोपीने प्रेयसीला फोन केला होता. भाजी आणण्यासाठी निघालेल्या एका महिलेने खून होताना पाहिले होते. या दोघींची साक्ष न्यायालयात महत्त्वाची ठरली. सत्र न्यायाधीश डी. व्ही. कश्यप यांनी हा निकाल दिला.संतोष शहाजी राठोड (वय २६, मूळ रा. धाराशीव) असे शिक्षा झालेल्याचे नाव आहे. दामोदर कृष्णा जबल (रा. धारावी, मुंबई) याचा खून केल्याप्रकरणी न्यायालयाने राठोडला दोषी ठरवून जन्मठेपेसह पाच हजार रुपयांचा दंड ठोठावला. दंड न भरल्यास सहा महिन्यांचा अतिरिक्त कारावास भोगावा लागेल, असेही न्यायालयाने निकालात नमूद केले.
मोहिते पाटलांची शरद पवारांना साद, गुढीपाडव्याला ‘तुतारी’ फुंकणार? माढ्यातून उमेदवारीची चिन्हं
कंपनीतील कामगार कंत्राटदार अमित जाधव यांनी शिक्रापूर पोलिस ठाण्यात तक्रार दिली होती. ही घटना २० ऑगस्ट २०१८ रोजी शिरूर तालुक्यातील सणसवाडी येथे घडली. जबल आणि राठोड एकाच खासगी कंपनीत काम करीत होते. जबल कामगार आणि राठोड सुपरवायझर होता. राठोडच्या प्रेयसीच्या मोबाइलवर जबल सतत मिसकॉल द्यायचा. तिने ही बाब राठोडला सांगितली. त्यानंतर दोघांमध्ये १८ ऑगस्ट रोजी रात्री भांडणे झाली. त्यामध्ये राठोडने जबर मारहाण केल्याने जबलला दवाखान्यात दाखल करण्यात आले. त्यानंतर दोन दिवसांनी राठोडने जबलच्या पोटात चाकूने वार करून गंभीर जखमी केले. त्याला उपचारांसाठी रुग्णालयात नेले असता, तो मृत झाल्याचे डॉक्टरांनी घोषित केले. तत्कालीन सहायक पोलिस निरीक्षक मयूर वैरागकर यांनी गुन्ह्याचा तपास करून राठोडला अटक केली आणि त्याच्याविरोधात आरोपपत्र दाखल केले.
मोहिते पाटलांची शरद पवारांना साद, गुढीपाडव्याला ‘तुतारी’ फुंकणार? माढ्यातून उमेदवारीची चिन्हंकंपनीतील कामगार कंत्राटदार अमित जाधव यांनी शिक्रापूर पोलिस ठाण्यात तक्रार दिली होती. ही घटना २० ऑगस्ट २०१८ रोजी शिरूर तालुक्यातील सणसवाडी येथे घडली. जबल आणि राठोड एकाच खासगी कंपनीत काम करीत होते. जबल कामगार आणि राठोड सुपरवायझर होता. राठोडच्या प्रेयसीच्या मोबाइलवर जबल सतत मिसकॉल द्यायचा. तिने ही बाब राठोडला सांगितली. त्यानंतर दोघांमध्ये १८ ऑगस्ट रोजी रात्री भांडणे झाली. त्यामध्ये राठोडने जबर मारहाण केल्याने जबलला दवाखान्यात दाखल करण्यात आले. त्यानंतर दोन दिवसांनी राठोडने जबलच्या पोटात चाकूने वार करून गंभीर जखमी केले. त्याला उपचारांसाठी रुग्णालयात नेले असता, तो मृत झाल्याचे डॉक्टरांनी घोषित केले. तत्कालीन सहायक पोलिस निरीक्षक मयूर वैरागकर यांनी गुन्ह्याचा तपास करून राठोडला अटक केली आणि त्याच्याविरोधात आरोपपत्र दाखल केले.
महिलांची साक्ष महत्त्वाची
प्रमुख जिल्हा सरकारी वकील प्रमोद बोंबटकर आणि अतिरिक्त सरकारी वकील राजेश कावेडिया यांनी सरकार पक्षातर्फे काम पाहिले. त्यांनी १५ साक्षीदार तपासले. त्यामध्ये आरोपीची प्रेयसी आणि प्रत्यक्षदर्शी महिलेची साक्ष महत्त्वाची ठरली. जबलचा खून केल्यानंतर राठोड यांनी प्रेयसीला संपर्क केला. त्या वेळी त्याने जबलवर चाकूने वार केल्याचे सांगून ‘माझा मोबाइल नंबर, छायाचित्रे डिलिट कर आणि मला फोन करू नको,’ असे सांगितल्याची साक्ष प्रेयसीने न्यायालयात दिली. त्यातून आरोपीचा हेतू सिद्ध झाला; तसेच खुनाचे कारण स्पष्ट झाले. आरोपीच्या कंपनीच्या परिसरात किराणा दुकान चालवणाऱ्या महिलेने भाजी आणण्यासाठी जाताना राठोडला जबलचा खून करताना पाहिले. या प्रत्यक्षदर्शी महिलेची साक्षही महत्त्वाची ठरली.