अकोला: देशात लोकसभेचं बिगुल वाजलं आहे. त्यासोबतच अकोला पश्चिम विधानसभा मतदारसंघासाठी देखील पोटनिवडणूक होणार आहे. भाजपचे आमदार गोवर्धन शर्मा यांच्या मृत्युमूळे ही ‘पोट निवडणूक’ होणार आहे. तसेच अकोला लोकसभा मतदारसंघात २६ एप्रिल रोजी मतदान होणार आहे. दरम्यान महाराष्ट्र राज्यात एकत्रित पाच टप्यात मतदान प्रक्रिया पार पडणार आहे. यातील दुसऱ्या टप्प्यात बुलढाणा, अकोला, अमरावती, वर्धा, यवतमाळ- वाशिम, हिंगोली, नांदेड, परभणी या मतदारसंघासाठी २६ एप्रिलला मतदान होणार आहे.
तुम्ही शरद पवारांचा विश्वासघात केला; स्वपक्षीयांकडून एकनाथ खडसेंवर गंभीर आरोप
दरम्यान देशातील लोकसभा निवडणूक प्रक्रियेचं राष्ट्रीवादी काँग्रेसचे आमदार अमोल मिटकरी यांनी स्वागत केले. मिटकरी म्हणाले की, निवडणूक आयोगाचे अधिकारी राजीव कुमार यांची अतिशय अभ्यासपूर्ण ही पत्रकार परिषद होती. अकोला पश्चिम मतदार संघासाठीही पोटनिवडणूक प्रक्रिया पार पडणार आहे. मागील सहा टर्म ते अकोला पश्चिम विधानसभा मतदारसंघाचे आमदार राहिले आहेत. आता इथे महायुतीचा उमेदवार म्हणून दिवंगत आमदार गोवर्धन शर्मा यांच्या कुटुंबातच उमेदवारी देण्यात यावी, अशी मागणीही मिटकरींनी केली आहे.

नावात विजय पुरेसा नाही तो दादांच्या मनात ही असावा लागतो, अजित पवार समर्थकांची बॅनरबाजी

नेमके कोण होते गोवर्धन शर्मा?
गोवर्धन शर्मा यांची ओळख ‘लालाजी‘ या आपुलकीच्या हाकेने व्हायची. नागरिकांच्या अनेक समस्या निराकरणासाठी कटिबद्ध आमदार शर्मा लोकांसाठी सदैव २४ तास उपलब्ध असत. कधीही जवळ मोबाईल न ठेवता लोकांची थेट आठवण ठेवणारे, अशी त्यांची ओळख होती. विठ्ठल मंदिराच्या माध्यमातून धार्मिक क्षेत्रामध्ये काम करणारे तसेच अयोध्या येथील शीला पूजन १९९५ पासून ‘श्रीराम जन्मभूमी’ आंदोलनात सक्रिय सहभाग राहिलेला आहे. लोकनेते आणि राम भक्त म्हणून ते प्रसिद्ध होते. दरम्यान गेल्या २५ वर्षांपासून अकोला पश्चिम विधानसभा मतदारसंघावर दणदणीत विजयश्री प्राप्त करणारे शर्मा यांनी मागील निवडणुकीत म्हणजे सहाव्यांदा विजय मिळवला होता.