पुणे : कौटुंबिक वादातून पुण्यात दुहेरी हत्याकांडांची घटना घडली आहे. पतीने आपल्या अल्पवयीन मुलीसह पत्नीचा खून केलाचा धक्कादायक प्रकार समोर आला आहे. विशेष म्हणजे पतीने खून केल्यानंतर थेट पोलीस स्टेशन गाठलं आणि खून केल्याची स्वतः कबुली दिली. ही घटना आज दुपारी कात्रजच्या दत्तनगर परिसरात घडली. घटनेची माहिती मिळताच घटनास्थळी पोलिसांनी धाव घेतली असून पुढील कारवाई करण्याचे काम सुरू आहे.
लेकीचा साखरपुडा झाला, दुसऱ्याच दिवशी आईचा करुण अंत, जिथे मांडव टाकला, तिथूनच अंत्ययात्रा
मिळालेल्या माहितीनुसार, श्वेता तळेवाले (४०) आणि शिरोली तळेवाले (१६) अशी खून झालेल्या दोघींची नावे आहेत. तर अजय तळेवाले (४५) असे खून करणाऱ्या आरोपीचे नाव आहे. तळेवाले कुटूंब हे गेले अनेक वर्षे कात्रज येथे वास्तव्यास आहे. यांच्याच नेहमी होणारा घरगुती वाद आसपासच्या लोकांना माहिती होता. मात्र आज दुपारी असाच घरगुती वाद घडला आणि पती अजय तळेवाल याने पत्नी श्वेता तळेवाले हिच्या हातावर चाकूने वार केला.

त्यानंतर पत्नी श्वेता तळेवाले आरडाओरडा करू लागली. आईचा आरडाओरडा ऐकून तिची मुलगी रूममध्ये पळत आली. दोघांचं भांडण सोडवण्यासाठी मुलगी शिरोली मध्ये पडली. या दरम्यान आरोपी अजयने उशी तोंडावर ठेवून पत्नीचा जीव घेतला. त्यानंतर मुलीलाही त्याचप्रमाणे मारून टाकलं. ही घटना घडल्यानंतर अस्वस्थ झालेला आरोपी पतीने थेट भरती विद्यापीठ पोलीस स्टेशन गाठलं. त्यानंतर खुनाची कबुली दिली. या घटनेचा पुढील तपास भरती विद्यापीठ पोलीस करत आहे.