लातूर : लातूर – नांदेडहून देव दर्शनासाठी तुळजापूरकडे जाणार्‍या भाविकांची कार ऊसाच्या ट्रॅक्टरवर जोरदार आदळून झालेल्या भीषण अपघातात कारमधील ड्रायव्हरसह चार भाविक जागीच ठार झाल्याची घटना घडली आहे. अपघातात एकजण गंभीर जखमी झाला आहे. जखमीला लातूरच्या एका खासगी रुग्णालयात उपचारासाठी दाखल करण्यात आले आहे. सदरचा भीषण अपघात हा आज पहाटे अडीच ते तीनच्या सुमारास नांदेड रोडवरील महाळंग्रा शिवारात डि बी. कॉलेजसमोर घडला.नांदेड येथील सराफा व होळी भागातील रहिवासी शिवराज लंकाढाई, सोनू कोतवाल, कृष्णा चौधरी, शुभम लंकाढाई हे त्यांच्या एमएच २६ बीसी ८२८६ या क्रमांकाच्या स्विफ्ट डिझायर कारमधून तुळजापूरला देवी दर्शनासाठी जात होते. आज पहाटे अडीच ते तीनच्या सुमारास लातूरजवळ महाळंग्रा शिवारात डिबी कॉलेजसमोर रोडवर उभ्या असलेल्या ऊसाच्या ट्रॅक्टरवर त्यांची भरधाव वेगात असलेली कार जोरदार आदळली. हा अपघात इतका भीषण होता की, कारचा चक्काचूर झाला असून कार ड्रायव्हरसह शिवराज लंकाढाई, सोनू कोतवाल, कृष्णा चौधरी हे चौघेजण जागीच ठार झाले.
परभणीवरुन महायुतीत जोरदार रस्सीखेच; भाजप, राष्ट्रवादीचा दावा, दोघांना मतदारसंघ हवा
शुभम लंकाढाई हा गंभीर जखमी झाला असून त्यास लातूरच्या एका खासगी रुग्णलयात उपचारासाठी दाखल करण्यात आलेले आहे. नळेगाव पोलीस चौकीचे बीट अंमलदार मामडगे व त्यांच्या सहकार्‍यांनी घटनास्थळी धाव घेवून जखमींना रुग्णालयात हलवले असून याबाबत पोलीस अधिक तपास करीत आहेत.