रायगड: जिल्ह्यात मुरुड आगरदांडा ग्रामपंचायत हद्दीतील उसडी गावाजवळ टोल नाक्यावर मोटारसायकल आणि आमदारांच्या गाडीचा समोरासमोर अपघात झाला आहे. यात मोटारसायकल चालकाचा मुत्यू झाला आहे. या घटनेनं परिसरात हळहळ व्यक्त करण्यात येत आहे.
मटण आणण्यासाठी बाजारात गेले, टर्नवर ट्र्रॅक्टरची बाईकला जोरदार धडक, मामा-भाच्याचा जागीच अंतमिळालेल्या माहितीनुसार, मुरुड -अलिबाग मतदारसंघाचे आमदार महेंद्रशेठ दळवी हे मुरुड- नांदगाव येथील साळाव आगरदांडा रस्त्याच्या भुमीपुजन कार्यक्रमासाठी येत होते. यावेळी जासीम अब्दुल रहेमान पासवारे हा आपली हिरोहोंडा मोटारसायकलवरून माणगावला जात होता. त्याचवेळी आगरदांडा ग्रामपंचायत हद्दीतील उसडी येथील टोलनाक्यावर आमदारांची गाडी आणि मोटारसायकलची जोरदार धडक लागली. यात मोटारसायकलस्वार जबर जखमी झाल्याने त्याला मुरुड ग्रामीण रुग्णालयात आणण्यात आले आहे.

परंतु मोटारसायकल चालकाचा या अपघातात मुत्यु झाला आहे. हा अपघात झाला त्यावेळेला आमदार महेंद्र दळवी हे कारमध्ये होते. आमदार महिंद्र दळवी यांच्या कारचालकाविरोधात पोलीस ठाण्यात गुन्हा दाखल करण्यात आला आहे, अशी माहिती रायगड जिल्हा पोलीस प्रशासनातील सूत्रांनी दिली आहे.