नवी मुंबई : उरण एसटी डेपोत काळीज पिळवटून टाकणारी घटना घडली आहे. सफाई करणाऱ्या महिलेला मागे येणाऱ्या बसने चिरडल्याने महिलेचा मृत्यू झाल्याची धक्कादायक घटना घडली आहे. कालिंदा शरणागत (वय ५२) असं महिलेचं नाव असून, उरण डाऊरनगर येथे ती वास्तव्यास होती. गेली चार वर्षे रोजंदारीवर साफसफाईचे काम उरण आगारात करत ही महिला करत होती. मात्र, सफाई करत असताना तिच्यावर काळाने झडप घातली. हा अपघात झाल्यानंतर संपूर्ण परिसरात काही काळ तणाव निर्माण झाला होता. यावेळी एसटी बस रोखून धरत नुकसान भरपाईची आणि नोकरीची मागणी केली आहे.उरण एसटी डेपोत एसटी मागे रिव्हर्स येत असताना टायरखाली सफाई करणारी महिला जागीच चिरडली गेली. घटना घडताच महिलेला जवळच्या रुग्णालयात ताबडतोब हलविण्यात आले. मात्र, उपचारादरम्यानच महिलेचा मृत्यू झाला. या घडलेल्या घटनेमध्ये चालकाला अटक करण्यात आली आहे. दोन दिवसांपूर्वी एनएमएमटी बस सेवा बंद झाली. आता एसटी बसच्या घडलेल्या अपघातामुळे काही काळ बस बंद झाल्याने प्रवाशांचे हाल होत होते.
मनोज जरांगेंना जालन्यातून उमेदवारी द्या, लोकसभेला किमान १५ ओबीसी उमेदवार, वंचितचा मविआला प्रस्ताव!
कालिंदा भीमराव शरणागत या नेहमीप्रमाणे गाड्या धुण्याचे काम करत होत्या. यावेळी अचानक दुसऱ्या बसच्या चालकाने गाडी मागे घेत असताना महिलेच लक्ष नसल्यामुळे तिच्या अंगावरुन मागील टायर गेल्याने ती जबर जखमी झाली. महिलेस उपचारासाठी इंदिरा गांधी ग्रामीण रुग्णालयात दाखल करण्यात आले. उपचारादरम्यान सदर महिला मयत झाली. यानंतर वातावरण चांगलेच तापले होते. नातेवाईकांनी तर बस डेपोतूनच बस बाहेर पडू दिल्या नाहीत. यामुळे काहीवेळ बस वाहतूक बंद पडली.

घटनास्थळी पुणे मुबंई प्रादेशिक उपव्यवस्थापक श्रीनिवास जोशी व इतर अधिकारी दाखल झाले. तसेच उरण पोलीस ठाण्याचे निरीक्षक कांबळे, भाजपचे रवी भोईर यांनी यातून मार्ग काढण्याचा प्रयत्न केला. त्यावेळी मयताच्या नातेवाईकांने वारसास कायमस्वरूपी नोकरी देण्याची मागणी लावून धरली. डेपोतून बस जाऊ दिल्या जात नसल्याने वाहतूक बंद पडली होती. यावेळी एसटी बसच्या अधिकारी वर्गांनी आम्ही ताबडतोब १० हजाराची मदत करू शकतो, त्यानंतर काही दिवसांनी आमच्या फंडातून १० लाखांची मदत करू व नोकरीचा प्रस्ताव वरिष्ठांकडे सादर केला जाईल, असे पुणे मुबंई प्रादेशिक उपव्यवस्थापक श्रीनिवास जोशी यांनी सांगितले.