धाराशिव : नाही नाही म्हणत काँग्रेस नेते बसवराज पाटील यांच्या भाजप प्रवेशाचा मुहूर्त आज ठरला आहे. आज ४ वाजता भाजप प्रदेश कार्यालयात केंद्रीय मंत्री भगवंत खुबा, उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे यांच्या उपस्थितीत बसवराज पाटील त्यांचे बंधू बापुराव पाटील, चिरंजीव शरण पाटील यांच्यासह प्रवेश करणार आहेत.

महाराष्ट्र प्रदेश काँग्रेसचे कार्याध्यक्ष राहिलेले माजी मंत्री बसवराज पाटील हे भाजपमध्ये जाणार असल्याची गेल्या अनेक महिन्यांपासून चर्चा आहे. त्या चर्चेचा शेवट आज भाजपप्रवेशाने होत आहे. शेवटी बसवराज पाटील यांनी ४५ वर्षे असणारी ‘हाता’ची साथ सोडत ‘कमळ’ हाती घेतलं आहे. काल बसवराज पाटील यांनी पदाचा राजीनामा देऊन टाकत भाजप प्रवेशाचा मार्ग मोकळा केला.

बसवराज पाटील यांची राजकीय पार्श्वभूमी

माजी गृहमंत्री शिवराज पाटील चाकूरकर यांचे मानसपुत्र म्हणून बसवराज पाटील परिचित आहेत. बसवराज पाटील यांचा परिवार मागच्या ४५ वर्षापासून भारतीय राष्ट्रीय काँग्रेस पक्षाशी एकनिष्ठ राहिला आहे. बसवराज पाटील यांचे वडील माधवराव पाटील हे २५ वर्षे मुरुम नगर परिषदेचे अध्यक्ष होते.

बसवराज पाटील यांनी १९८२ मध्ये युवक काँग्रेस उमरगा तालुका अध्यक्ष म्हणून राजकीय प्रवासाला सुरुवात केली होती. १९९२ मध्ये झालेल्या निवडणुकीत जिल्हा परिषद सदस्य म्हणून ते निवडून आले आणि जिल्हा परिषद धाराशिवचे उपाध्यक्ष झाले.
शिरुरमध्ये अजितदादांनी हुकमी एक्का काढला, शरद पवारांचं पॅनल पाडणाऱ्याला थेट खासदारकीचं तिकीट?
१९९९ मध्ये झालेल्या विधानसभा निवडणुकीत उमरगा – लोहारा मतदारसंघातून विधानसभा सदस्य (आमदार) म्हणून प्रचंड मताधिक्याने विजयी.
शिवराज पाटील यांच्या आशीर्वादाने ग्रामविकास राज्यमंत्री पदी निवड झाली
उमरगा लोहारा विधानसभा आरक्षित असल्याने लातूर जिल्ह्यातील औसा विधानसभा मतदारसंघातून २००९ मध्ये विधानसभा निवडणूक लढवून प्रचंड मताधिक्याने विजयी.
२०१४ मध्ये सलग दुसऱ्यांदा विधानसभा निवडणूक लढवून प्रचंड मताधिक्याने विजयी.
अखिल भारतीय काँग्रेस कमिटीचे सदस्य म्हणून कार्य.
लोकप्रतिनिधी म्हणून काम करायचं तर सत्तेची जोड हवी, शिवसेना-भाजपशी युतीमागील भूमिका अजित पवारांकडून स्पष्ट
महाराष्ट्र काँग्रेस विधिमंडळ पक्षाचे मुख्य प्रतोद म्हणून निवड व उल्लेखनीय कार्य
सध्या महाराष्ट्र प्रदेश काँग्रेसचे कार्याध्यक्ष म्हणून कार्यरत.
बसवराज पाटील यांची धाराशिव, लातूर, नांदेड व बीड या जिल्ह्यात एक स्वच्छ प्रतिमेचा व कर्तव्यव्यदक्ष लोकप्रतिनिधी म्हणून ओळख आहे.
लिंगायत समाजातील प्रतिभासंपन्न व कार्यतत्पर लोकप्रतिनिधी म्हणून महाराष्ट्रात तसेच शेजारील कर्नाटक राज्यातील गुलबर्गा व बिदर जिल्ह्यात लिंगायत समाजावर चांगलाच प्रभाव आहे.
मुरूम येथे विठ्ठलसाई सहकारी साखर कारखान्याची निर्मिती करुन गेल्या २० वर्षापासून शेतकऱ्यांना न्याय देण्याचा प्रयत्न
अखंडपणे कारखाना गुणवत्तेवर चालवून परिसरातील शेतकऱ्यांना समृद्ध करण्याचा प्रयत्न
श्रमजीवी शिक्षण संस्थेच्या माध्यमातून हजारो लोकांना रोजगार उपलब्ध करुन दिलाय. तसेच लोहारा व उमरगा तालुक्यातील ग्रामीण भागात अनेक संस्था व शाळांची निर्मिती
उमरगा जनता बँकेची निर्मिती परिसरातील विविध ठिकाणी बँकेच्या अनेक शाखा.
धाराशिव जिल्ह्यातील अनेक स्थानिक स्वराज्य संस्था बसवराज पाटील यांच्याच नेतृत्वाखाली

बसवराज पाटील यांचे बंधू बापूराव पाटील

विद्यमान चेअरमन धाराशिव DCC
सलग तीन वेळा उस्मानाबाद (धाराशिव) जिल्हा मध्यवर्ती सहकारी बँकेचे चेअरमन

बसवराज पाटील यांचे सुपुत्र शरण बसवराज पाटील

बसवराज पाटील यांचे चिरंजीव शरण बसवराज पाटील
विद्यमान महाराष्ट्र प्रदेश युवक काँग्रेसचे उपाध्यक्ष
चेअरमन उमरगा जनता बँकेचे