नागपूर: मराठा, धनगर यांच्यानंतर आता आणखी एक समाज आरक्षणाबाबत रस्त्यावर उतरला आहे. आरक्षणाच्या मागणीसाठी आदिवासी गोवारी समाज रस्त्यावर उतरला. सोमवारी संविधान चौकात समाजातील लोकांनी रस्त्यावर उतरून आंदोलन केले. त्यामुळे रस्त्यावरील वाहतूक ठप्प झाली होती. विशेष म्हणजे गोवारी समाजाला आदिवासी आरक्षण मिळावे या मागणीसाठी गेल्या ११ दिवसांपासून समाजातील ३ तरुण नागपुरातील संविधान चौकात उपोषणाला बसले आहेत. या उपोषणाची सरकारने कोणतीही दखल घेतली नाही.
सत्तेला हापापलेलो नाही, सर्वसामान्यांच्या कामांसाठी मी महायुतीत गेलो : अजित पवार
शासनाचे दुर्लक्ष पाहता विदर्भासह राज्याच्या विविध भागातून हजारो गोवारी आदिवासी बांधवांनी सोमवारी विधान चौक गाठले. आरक्षणाच्या मागणीसाठी दुपारी आंदोलक रस्त्यावर उतरले. बर्डी येथील संविधान चौक ते झाशीराणी चौकापर्यंत आंदोलक जमा झाले आणि त्यांनी वाहतूक रोखून धरली. त्यामुळे सर्वच रस्त्यांवर वाहनांच्या रांगा लागल्या होत्या. त्यामुळे नागरिकांना मोठ्या त्रासाला सामोरे जावे लागले. आंदोलकांचा आक्रमकपणा पाहता पोलिसांनी खबरदारीचा उपाय म्हणून सीताबर्डी येथील गोवारी उड्डाणपूल बंद केला. शहराचे मध्यवर्ती केंद्र असण्यासोबतच सीताबर्डी हे एक मोठे व्यापारी केंद्र देखील आहे. दररोज लाखो लोक येथे येतात आणि येथून त्यांच्या गंतव्यस्थानी जातात.

तुम्ही गरिबांच्या अन्नधान्यात पैसे खाता? विवेक कोल्हे भर बैठकीत तहसीलदारावर संतापले

उड्डाणपूल बंद केल्याने रस्त्यावर वाहनांच्या लांबच लांब रांगा लागल्या आहेत. तासनतास वाहतूक कोंडीत नागरिक अडकले आहेत. आंदोलकांचे आंदोलन पाहता शहर पोलिसांनी अधिकारी बंदोबस्त तैनात केला होता. मात्र, अचानक आंदोलक रस्त्यावर उतरले. आंदोलकांना रोखण्यासाठी पोलिसांना खूप झगडावे लागले. एका बाजूला पोलीस कर्मचारी त्यांना रस्त्यावरून हटवायचे, तर दुसऱ्या बाजूला जमाव येऊन बसायचा. बरेच प्रयत्न करूनही आंदोलकांना हटवण्यात पोलिसांना यश आले नाही.