पोलिसांनी दिलेल्या माहितीनुसार, प्रीतम हा सेवानिवृत्त पोलीस अधिकाऱ्याचा मुलगा असून तो अंधेरी मरोळ येथे राहणारा आहे. तो गुरुवारी रात्री डोंबिवलीत त्याच्या नातेवाईकाकडे आला होता. महिलेने पोलिसांना दिलेल्या तक्रारीत असे म्हटले आहे की, रात्री अकरा वाजता माऊली बंगला येथून घरी पायी जात असताना आरोपी प्रितम हा जवळ आला. त्याने महिलेच्या जवळ येत तोंडावर हात ठेवला. त्यानंतर लगट करून मानेवर नखाने ओरखडले. तसेच स्त्री मनाला लज्जा उत्पन्न होईल, असे कृत्य करून जबरदस्ती करण्याचा प्रयत्न केला आहे. एका निवृत्त पोलीस अधिकाऱ्याच्या मुलाने असे कृत्य केल्याने डोंबिवलीत एकच खळबळ उडाली आहे.