चैत्राली चांदोरकर, पुणे: पुण्यात आठवडाभर मुक्काम ठोकलेल्या थंडीने बुधवारी पुणेकरांना हुडहुडी भरवली. सकाळी साडे आठपर्यंत शहरात किमान तापमानात लक्षणीय घट होऊन, शिवाजीनगर हवामान स्टेशनवर ९.७ अंश सेल्सिअस तापमानाची नोंद झाली. पाषाण ८.२, हवेली परिसरात ८.७ अंश सेल्सिअस तापमान नोंदवले गेले. पुण्यात या हंगामातील नीचांकी तापमानाची नोंदवले गेले असल्याचे भारतीय हवामानशास्त्र विभागाने स्पष्ट केले.
शहरात गेल्या दोन दिवसांपासून संध्याकाळनंतर हवेत गारवा आणि मध्यरात्री कडाक्याची थंडी जाणवते आहे. किमान तापमान १२ ते १४ अंश सेल्सिमध्ये रेंगाळल्याने रात्री थंडी आणि सकाळी आठवाजेपर्यंत हवेत गारठा कायम आहे. दरम्यान, बुधवारी रात्रीपासूनच हवेतील गारठा वाढला होता. बोचऱया वाऱयांमुळे मध्यरात्री थंडी वाढली. सकाळी लवकर फिरायला, व्यायामाला गेलेल्या नागरिकांना नेहमीपेक्षा जास्त थंडी असल्याने हुडहुडी भरली. शाळेत निघालेली मुले स्वेटर, मफलर अशी जय्यत तयारी करून बाहेर पडली होती. मध्यवर्ती पुण्याच्या तुलनेत उपनगरात थंडीचा कडाका जास्त जाणवला. जिल्ह्यातही बहुतांश ठिकाणी किमान तापमान बारा अंशापेक्षा कमीच नोंदवले गेले. सकाळी दहा वाजेपर्यंत हवेतील गारठा कायम होता. दुपारी बाराच्या सुमारास आकाश ढगाळ झाले होते.
मुंबईत मोसमातील ‘किमान’ तापमानाची नोंद
शहरात गेल्या दोन दिवसांपासून संध्याकाळनंतर हवेत गारवा आणि मध्यरात्री कडाक्याची थंडी जाणवते आहे. किमान तापमान १२ ते १४ अंश सेल्सिमध्ये रेंगाळल्याने रात्री थंडी आणि सकाळी आठवाजेपर्यंत हवेत गारठा कायम आहे. दरम्यान, बुधवारी रात्रीपासूनच हवेतील गारठा वाढला होता. बोचऱया वाऱयांमुळे मध्यरात्री थंडी वाढली. सकाळी लवकर फिरायला, व्यायामाला गेलेल्या नागरिकांना नेहमीपेक्षा जास्त थंडी असल्याने हुडहुडी भरली. शाळेत निघालेली मुले स्वेटर, मफलर अशी जय्यत तयारी करून बाहेर पडली होती. मध्यवर्ती पुण्याच्या तुलनेत उपनगरात थंडीचा कडाका जास्त जाणवला. जिल्ह्यातही बहुतांश ठिकाणी किमान तापमान बारा अंशापेक्षा कमीच नोंदवले गेले. सकाळी दहा वाजेपर्यंत हवेतील गारठा कायम होता. दुपारी बाराच्या सुमारास आकाश ढगाळ झाले होते.
उत्तरेकडे वाऱयांच्या प्रभावामुळे महाराष्ट्रात गारठा वाढला आहे. हवामानातील अनुकूल बदलांमुळे पुण्यातील तापमानात लक्षणीय घट नोंदविण्यात आली. पुढील दोन दिवस आकाश निरभ्र आणि गारठा कायम राहिल, असा अंदाज आयएमडीने व्यक्त केला आहे. पुण्यात थंडी सुरू झाल्यापासून नीचांकी तापमान १० अंशापर्यंत चार ते पाच वेळा घसरले होते. पण “सिंगल डिजिट” तापमानाची बुधवारी पहिल्यांदाच नोंद झाली.
मुंबईत मोसमातील ‘किमान’ तापमानाची नोंद
मुंबईत उपनगरवासींना मंगळवारी सकाळी कुडकुडणाऱ्या थंडीची जाणीव झाली. सांताक्रूझ येथे मंगळवारी सकाळी किमान तापमान यंदाच्या मोसमातील सर्वांत कमी म्हणजे १४.८ अंशांपर्यंत पोहोचले होते. तर कुलाबा येथे किमान तापमानाचा पारा १९.६ अंश सेल्सिअस नोंदला गेला. सांताक्रूझ येथे सोमवारपेक्षा २.३ अंशांनी तर कुलाबा येथे ०.९ अंशांनी किमान तापमान घसरले. सांताक्रूझ येथील तापमान सरासरीपेक्षा २ अंशांनी कमी नोंदले गेले. यापूर्वी जानेवारीमध्ये सांताक्रूझ येथे गेल्या दहा वर्षांमध्ये किमान तापमान ११.४ अंशांपर्यंतही खाली उतरले होते. गेल्या वर्षी जानेवारीत सांताक्रूझ येथे सर्वांत किमान तापमान १३.८ अंश सेल्सिअस होते. तर २०२०मध्ये ते ११.४ अंशांपर्यंत खाली उतरले होते. कुलाबा येथे गेल्या १० वर्षांमध्ये जानेवारीत सर्वांत कमी किमान तापमान १३.६ अंश सेल्सिअस नोंदले गेले आहे. गेल्या वर्षी जानेवारीत कुलाबा येथे १६.२ अंश सेल्सिअस किमान तापमान नोंदले गेले. मंगळवारी मुंबईच्या वनक्षेत्राच्या परिसरातील बोरिवली, कांदिवली, मालाड, पवई, मुलुंड अशा परिसरामध्ये गारठ्याची जाणीव उर्वरीत मुंबईच्या तुलनेत अधिक होती.
मुंबईत कमाल तापमानाचा पाराही मंगळवारी सोमावरपेक्षा कमी नोंदला गेला. सांताक्रूझ येथे ३० तर कुलाबा येथे २८.५ अंश सेल्सिअस कमाल तापमान होते. हे तापमान सोमवारपेक्षा अनुक्रमे १.१ आणि २ अंशांनी कमी होते. बुधवारीही किमान तापमान १७ अंशांहून कमी असेल, असा अंदाज आहे. ‘सध्या उत्तरेकडून येणारे वारे अधिक शक्तिशाली असल्याने किमान तापमान खाली उतरले’, असे प्रादेशिक हवामान विभाग अधिकारी सुनील कांबळे यांनी सांगितले. मात्र हा पारा गुरुवारपासून पुन्हा वर चढू शकतो. शुक्रवारी २६ जानेवारी रोजी किमान तापमान पुन्हा एकदा २० अंशांच्या पुढे जाऊ शकेल, तसेच कमाल तापमानाचा पाराही ३५ अंशांपर्यंत चढण्याची शक्यता वर्तवण्यात आली आहे.