सांगली, दि.१० (जिमाका) : कामगार मंत्री तथा जिल्ह्याचे पालकमंत्री डॉ. सुरेश खाडे यांच्या अध्यक्षतेखाली डोंगरी विभाग विकास समितीची बैठक पार पडली. पालकमंत्री हे डोंगरी विभाग विकास समितीचे अध्यक्ष असतात. या अनुषंगाने जिल्हाधिकारी कार्यालयात आयोजित या बैठकीस खासदार संजय पाटील, आमदार अनिल बाबर, आमदार गोपीचंद पडळकर, जिल्हाधिकारी डॉ. राजा दयानिधी, जिल्हा परिषद मुख्य कार्यकारी अधिकारी तृप्ती धोडमिसे, जिल्हा नियोजन अधिकारी अशोक पाटील, सहाय्यक नियोजन अधिकारी पूजा पाटील आणि उदय पवार, जिल्हा अग्रणी बँकेचे प्रतिनिधी यांच्यासह अशासकीय सदस्य उपस्थित होते.

यावेळी पालकमंत्री डॉ. सुरेश खाडे यांनी डोंगरी विभाग विकास कार्यक्रम सन 2022-23 अंतर्गत मंजूर कामांच्या सद्यस्थितीचा आढावा घेतला. तसेच, सन 2023-2024 प्रस्तावित आराखड्यास मान्यता देण्यात आली.

तसेच,  डोंगरी  विभाग विकास कार्यक्रम अंमलबजावणीकरिता डोंगरी समितीवर नियुक्त दोन अशासकीय सदस्य राजाराम आनंदराव पवार (पाडळी, ता. कडेगाव) व दुर्गादेवी रणजीतसिंह नाईक (रा. शिराळा) यांची नियुक्ती करण्यात आल्याबद्दल सत्कार करण्यात आला.

०००