अमरावती : विदर्भात अमरावती जिल्ह्यातील संत्र्याला जगभर मागणी असते. मात्र काही दिवसांपासून संत्र्याला उठाव नसल्याने शेतकरी मोठ्या प्रमाणात आत्महत्येसारखं टोकाचं पाऊल उचलताना दिसत आहेत. अशातच जिल्ह्यातील वरुड येथील एका शेतकऱ्याने आत्महत्या केली. त्याच्या दशक्रियेच्या कार्यक्रमाचे निमंत्रण थेट पंतप्रधान नरेंद्र मोदी यांना देण्यात आले असून ही पत्रिका सध्या समाज माध्यमांवर चांगलीच व्हायरल होत आहे.
अमरावती जिल्ह्यातील अचलपूर वरुड मोर्शी चांदूरबाजार या भागातील संत्रा आरोग्याच्या दृष्टीने व चवीने उत्कृष्ट असल्याने याला जगभर मागणी असते. मात्र राजकीय अनास्थेमुळे रखडलेले संत्रा प्रक्रिया उद्योग, संत्रा संशोधन व वाइनरी विविध उद्योग रखडले आहे. परिणामी या भागातील शेतकरी आपल्या शेतातील संत्राच्या झाडावर जेसीबी फिरवत आहेत, तर कर्जबाजारी झालेला शेतकरी मृत्यूला कवटाळत आहेत. पश्चिम विदर्भातून निर्यात होणाऱ्या संत्र्यांवर बांगलादेशने प्रति किलो तब्बल 88 रुपये कर लावल्याने व्यापाऱ्यांनी संत्रा खरेदीकडे पाठ फिरवली आहे परिणामी संत्रा शेतात पडूनच मातीमोल झाला.
अमरावती जिल्ह्यातील अचलपूर वरुड मोर्शी चांदूरबाजार या भागातील संत्रा आरोग्याच्या दृष्टीने व चवीने उत्कृष्ट असल्याने याला जगभर मागणी असते. मात्र राजकीय अनास्थेमुळे रखडलेले संत्रा प्रक्रिया उद्योग, संत्रा संशोधन व वाइनरी विविध उद्योग रखडले आहे. परिणामी या भागातील शेतकरी आपल्या शेतातील संत्राच्या झाडावर जेसीबी फिरवत आहेत, तर कर्जबाजारी झालेला शेतकरी मृत्यूला कवटाळत आहेत. पश्चिम विदर्भातून निर्यात होणाऱ्या संत्र्यांवर बांगलादेशने प्रति किलो तब्बल 88 रुपये कर लावल्याने व्यापाऱ्यांनी संत्रा खरेदीकडे पाठ फिरवली आहे परिणामी संत्रा शेतात पडूनच मातीमोल झाला.
याच पार्श्वभूमीवर वरुड तालुका संत्रा उत्पादक शेतकरी संघाच्या वतीने आत्महत्याग्रस्त शेतकरी पद्माकर दारोकार यांच्या दशक्रियेचे निमंत्रण थेट पंतप्रधानांना पाठवण्यात आले आहे. यामध्ये १२ जानेवारी रोजी दशक्रियेचा कार्यक्रम ठरविण्यात आला आहे, तरी या कार्यक्रमाला आपल्या भारत सरकारच्या सर्व मंत्र्यांसह लोकसभा राज्यसभेचे खासदार आणि आयात निर्यात धोरण ठरवणारे सर्व सन्माननीय पदाधिकारी यांनी उपस्थितीत राहावे अशी विनंती करण्यात आली आहे.
भावोजींचा गेम वाजवायचा, शहापुरात मेहुण्याने कट रचला, हातबॉम्बही तयार, पण ऐनवेळी…
ही पत्रिका समाज माध्यमांवर सध्या चांगलीच व्हायरल होत आहे. विशेष म्हणजे या पत्रिकेत राज्यसभा खासदार यांना सुद्धा निमंत्रण देण्यात आले आहे. भाजपचे राज्यसभा खासदार डॉक्टर अनिल बोंडे हे यापूर्वी वरुड मोर्शी मतदारसंघातूनच निवडणूक लढवत असत. सध्या ते राज्यसभेवर खासदार असल्याने त्यांना सुद्धा ही निमंत्रण पाठवण्यात आले असल्याची माहिती समोर आली आहे.
Read Latest Maharashtra Updates And Marathi News