मी शरद नावाच्या वाघाची वाघिण, मरेपर्यंत हिंदुत्वाचं काम करेन, मोहोळच्या पत्नीची प्रतिक्रिया

धंगेकरांना फाजिल आत्मविश्वास नडणार

रवींद्र धंगेकर यांना मुंगेरीलाल के हसीन सपने पडत आहेत. ज्यांनी आमच्या दिवंगत आमदार मुक्ताताई टिळक यांचा १० कोटींच्या कामाचा विरोध केला, दुर्दैवाने तो निधी इतर ठिकाणी वळविला गेला. ज्यांना स्वतःच्या मतदारसंघातल्या जनतेची काळजी नाही. त्यांनी कोथरूडची काळजी करावी, हे खरोखर हास्यास्पद आहे. स्वतःची उमेदवारी जाहीर करून मोकळे झाले असे असले तरी आम्हाला खात्री आहे की येणाऱ्या निवडणुकीत त्यांचा फाजील आत्मविश्वास हा नडणार आहे. तर चंद्रकांत दादा हे गेल्या साडेचार वर्षात शरद मोहोळ यांना भेटले देखील नाहीत, असे असताना धंगेकर यांनी केलेल्या आरोपात काहीच तथ्य नाही, असा दावा धीरज घाटे यांनी केला आहे.

शरद मोहोळ यांना गुंड म्हणू नका, ते गुन्हेगारीत का आले, हे तुम्हाला माहिती नाही, नितेश राणेंचं मीडियाला ‘ग्यान’

नितेश राणे यांचं ते वक्तव्य त्यांचं वैयक्तिक

भाजप नेते नितेश राणे यांनी खून झालेला गुंड शरद मोहोळ याच्या घरी जाऊन भेट घेतली. यावेळी बोलताना नितेश राणे यांनी माध्यमे शरद मोहोळ याची चुकीची प्रतिमा रंगवत आहेत. तो एक हिंदुत्ववादी कार्यकर्ता होता, असं म्हटलं. यावर धीरज घाटे यांनी सावध प्रतिक्रिया दिली आहे. नितेश राणे काल शरद मोहोळ यांच्या कुटुंबियांना भेटले. यावेळी त्यांनी स्वतःचं मत मांडलं. ते पक्षाचे मत नाही किंवा पक्षाकडून काही म्हणणं आलेलं नाही, याबाबत देवेंद्र फडणवीस यांनी पार्टी आणि स्वतःचं मत मांडले आहे, असं घाटे यांनी सांगितलं.